19:18 17 Сентябр 2019
Эфир
  • RUB146.51
  • EUR10421.13
  • USD9411.30
Автомобильное движение в Ташкенте

ИИВ вилоятлардан Тошкентга келаётган ҳайдовчиларни катта йўл ёпилгани ҳақида огоҳлантирди

Sputnik / Рамиз Бахтияров
Янгиликлар
Ҳавола олиш
66010

Ўзбекистоннинг энг катта автомобиль йўли ёпилгани боис, республиканинг бошқа вилоятларидан Тошкент шаҳрига келаётган автомобиллар тирбандлиги юзага келмоқда

ТОШКЕНТ, 18 апр - Sputnik. Ўзбекистоннинг энг катта автомобиль йўли ёпилди, деб хабар қилди ЎзА ахборот агентлиги.

"Айни пайтда Тошкент шаҳри ва республикамизнинг 8 вилоятини ҳамда Қорақалпоғистон Республикасини боғловчи "Олмаота – Бишкек – Тошкент – Термиз" автомобиль йўли 865-километрининг Тошкент вилояти Чиноз тумани ҳудудида жойлашган Яллама кўпригида қурилиш ишлари олиб борилмоқда.

Шу сабабли республикамизнинг бошқа вилоятларидан Тошкент шаҳрига келаётган автомобиллар тирбандлиги юзага келмоқда", - дейилади хабарда.

Тошкент вилояти ЙҲХБ хабарига кўра, "Олмаота – Бишкек–Тошкент – Термиз" автомобиль йўлининг 871-километрида жойлашган иккинчи даражали йўл орқали "Тошкент – Душанбе" йўлига ўтиб Тошкент шаҳрига етиб олиш мумкин.

Тошкент вилояти ЙҲХБ ҳайдовчилардан вақтинчалик ноқулайликлар учун узр сўраган. 

Асосий мавзулар