Темир йўл вокзалларида қайси хизматлар бепул ҳисобланади?

© Sputnik / Рамиз БахтияровВокзал "Ташкент-Южный после реконструкции
Вокзал Ташкент-Южный после реконструкции - Sputnik Ўзбекистон
Oбуна бўлиш
Реклама, юкларни ўраш ҳамда сақлаш, “ВИП” зал, сартарошхона ҳамда бошқа хизматлар пуллик асосида кўрсатилиши мумкин.

ТОШКЕНТ, 17 май - Sputnik. Темир йўл вокзалларидаги бепул хизматлар турлари аниқлаштирилди. Бу ҳақда  Монополияга қарши қўмитанинг матбуот хизмати хабар берди.

Ўзбекистон Республикаси темир йўл транспортида йўловчилар, багаж ва юк багаж ташиш Қоидаларига мувофиқ вокзалларда ва чипта кассаларида йўловчиларга кўрсатилаётган, чипталар сотилиши билан боғлиқ бўлмаган хизматлар учун барча турдаги қўшимча йиғимларни ундириш, монополияга қарши курашиш органи билан келишилган ҳолда амалга оширилади.

Зал ожидания вокзала Ташкент-Южный - Sputnik Ўзбекистон
Тошкент темир йўл вокзалларида бепул Wi-Fi хизмати ташкил этилди

Темир йўл вокзалларида ва чипта кассаларида кўрсатилаётган пуллик ҳамда бепул хизматларни ажратиш мақсадида Монополияга қарши курашиш қўмитаси “Ўзбекистон темир йўллари” АЖ билан биргаликда йўловчиларга темир йўл вокзалларида ҳамда йўналиш даврида кўрсатиладиган қўшимча хизматлар Рўйхатини тасдиқлади.

Рўйхатга кўра, юк ташиш аравачасини тақдим этиш, кутиш залидаги WiFi интернет (2 соатгача), ногиронлар учун арава, телефон ҳамда ноутбукларни қувватлантириш, шунингдек тиббиёт маркази ҳамда библиотека хизматлари, йўналиш даврида чой, сув, шакар ҳамда қаҳва тақдим этиш бепул бўлиши лозим.

Реклама, юкларни ўраш ҳамда сақлаш, “ВИП” зал, сартарошхона ҳамда бошқа хизматлар пуллик асосида кўрсатилиши мумкин.

Янгиликлар лентаси
0