ТОШКЕНТ, 21 авг - Sputnik. Эртага, 22 август куни, Сирдарё вилояти Гулистон шаҳрида чет эл компаниялари ва дипломатик корпус иштирокида I Халқаро инвестиция форуми бўлиб ўтади, деб хабар қилмоқда Sputnik Ўзбекистон мухбири.
Форум дастуридан секция йиғилишлари, Сирдарё вилояти ишлаб чиқарувчиларининг кўргазмаси, "B2G" ва "B2B" шаклларидаги кооперация биржаси ҳамда вилоят ҳокимининг маҳаллий ва хорижий ОАВ вакиллари учун брифинги ўрин олган.
Ушбу форум Сирдарё вилоятининг чет эл мамлакатлари билан савдо-иқтисодий ҳамкорлигига янги импульс бериши ва вилоятга тўғридан-тўғри инвестициялар жалб этилишига кўмак бериши кутилмоқда.
Тадбирда ҳамкорлик тўғрисидаги битимлар имзоланади.
Шунингдек, Халқаро инвестиция форуми доирасида "Гул байрами", "Қовун сайли" ва "Қушлар байрами" ҳам ташкил этилади.
