Туғилишни қайд этиш гувоҳномасини олиш тартиби соддалаштирилди

© Пресс-служба Агентства госуслугОбразец заполнения свидетельства о рождении
Образец заполнения свидетельства о рождении - Sputnik Ўзбекистон
Oбуна бўлиш
Фуқаролик ҳолати далолатномаларини ёзиш органларида иш юритиш тартиби тўғрисидаги йўриқномага ўзгартириш ва қўшимчалар киритилди.

ТОШКЕНТ, 7 нояб – Sputnik. Фуқаролик ҳолати далолатномаларини ёзиш органларида иш юритиш тартиби тўғрисидаги йўриқномага ўзгартириш ва қўшимчалар киритиш тўғрисидаги буйруқ Адлия вазирлигида давлат рўйхатидан ўтказилди.

Йўриқномага киритилган ўзгартиришларга кўра, эндиликда туғилишни қайд этиш муддати ўтказиб юборилганда 16 ёшгача бўлган боланинг туғилганлик ҳақидаги гувоҳномасини олиш учун ариза қуйидагилар томонидан тақдим этилади:

-  боланинг ота-онаси;

- ота-онанинг қонуний никоҳи мавжуд бўлган ҳолларда улардан бири;

- ишончнома асосида бошқа манфаатдор шахс;

- ота-онанинг ўрнини босувчи шахс ёхуд васийлик ва ҳомийлик органларининг мансабдор шахслари.

Илгари бундай ариза фақат боланинг ота-онаси томонидан тақдим этилиши мумкин бўлган.

Бундан ташқари, эндиликда далолатнома ёзувларига ўзгартиришлар, тузатишлар ва қўшимчалар консул ёки нотариус томонидан тасдиқланган ишончнома ва ариза асосида амалга оширилиши мумкин бўлди.

Илгари далолатнома ёзувларига ишончнома орқали ўзгартириш киритиш мумкин бўлмаган.

ДХА гербли гувоҳномаларни тўлдиришга оид саволларга ойдинлик киритди

Янгиликлар лентаси
0