ТОШКЕНТ, 13 мар — Sputnik. Москва коронавирус туфайли 16 мартдан бошлаб Европа Иттифоқи давлатлари, Норвегия ва Швейцария билан авиақатновларда вақтинчалик чекловларни жорий этади, деб хабар бермоқда РИА Новости.
Бу ҳақда инфекциянинг тарқалишини олдини олиш бўйича ташкил этилган тезкор штаб маълум қилди, деб ёзади нашр.
Шу билан бирга, ЕИ мамлакатлари пойтахтларига мунтазам рейслар, россияликларни ва бошқа давлатлар фуқароларини ватанига қайтариш учун мўлжалланган чартер рейслар бекор қилинмайди.
Ушбу рейслар парвозни Шереметьево аэропортининг F терминали орқали амалга оширади.
Сал олдин, жума куни, Бутунжаҳон соғлиқни сақлаш ташкилоти бош директори Тедрос Адханом Гебрейесус Европа янги коронавирус пандемияси марказига айлангани ҳақида баёнот қилган эди.
БССТ маълумотларига кўра, 13 март ҳолатига кўра жаҳоннинг 123та мамлакатида 132 мингдан зиёд коронавирусга чалинганлик ҳолатлари қайд этилган. Ўлимлар сони 5 мингдан ошиб кетган.
Европада коронавирус тарқалиши бўйича биринчи ўринни Италия эгаллади. Сўнгги маълумотларга кўра, Аппенинларда 17,6 мингдан зиёд Covid-19 билан беморланиш ҳолатлари қайд этилган, 1439 нафар бемор тузалган, қурбонлар сони 1266 нафарга етган.
