ТОШКЕНТ, 2 май - Sputnik. Тошкент шаҳар ҳокимлиги кучли шамол бўлиши муносабати билан шаҳар аҳолисидан автомобилларни хавфсиз жойга қўйишни сўраб, мурожаат қилди.
"Иккинчи майдан учинчи майга ўтар кечаси пойтахтимизда кучли шамол ва ёғингарчилик кутилмоқда. Бу эса ўз навбатида дарахт ва уларнинг шохларини синишига сабаб бўлиб, унинг остида ва яқинида турган автомобилларга зарар етказиши мумкин. Шу сабабли автомобилларингизни дарахтлардан узоқроқ, хавфсиз жойга қўйишингизни илтимос киламиз", - дейилади хабарда.
Эслатиб ўтамиз, сал олдин Ўзгидромет май ойи учун об ҳаво маълумоти билан бўлишган эди.
Хабарда айтилишича Ўзбекистонда май ойи одатда апрель ойига нисбатан 4-6 даражага иссиқроқ бўлади.
Мамлакатнинг марказий ҳудудларида ойнинг биринчи ярмида ўртача ҳарорат 24-27 даража, иккинчи ярмида 28-31 даражани ташкил қилади.
