Сенатор Пушков мигрант олдида тиз чўккан москвалик устидан кулди

© Sputnik / Владимир Федоренко / Медиабанкка ўтишПредседатель комитета Государственной Думы РФ по международным делам Алексей Пушков
Председатель комитета Государственной Думы РФ по международным делам Алексей Пушков - Sputnik Ўзбекистон
Oбуна бўлиш
Пушков ўзининг телеграм-каналида бу сингари "америка модасига кўр-кўрона тақлид қилишлар" "иккиламчи ва мустақил бўлмаган" одамларга хослигини айтган

ТОШКЕНТ, 25 июл — Sputnik. Федерация кенгашининг Ахборот сиёсати ва оммавий ахборот воситалари билан алоқалар комиссияси раҳбари Алексей Пушков меҳнат муҳожири олдида тиз чўккан москвалик эркакнинг устидан кулди, деб хабар бермоқда РИА Новости.

Рабочие из Узбекистана, спасшие ребенка в Подольске - Sputnik Ўзбекистон
Подольскда ўзбекистонлик мигрантлар ёш боланинг ҳаётини сақлаб қолишди

Сал олдин Москвада яшовчи Александр Андрианов ўзининг "ВКонтакте" ижтимоий тармоғидаги саҳифасида россияликлар мигрантлар ҳақида ўйламасликлари, кўчалар озодалиги, уйга етказиб берилаётган овқатлар ва қурилаётган уйлар учун улардан миннатдор бўлмаётганликлари ҳақида ачиниб ёзган эди.

У шунингдек, Migrants Lives Matter ҳаракати вужудга келганини маълум қилиб, ушбу ёзув акс этган футболкада ўзининг спецовка кийган эркак олдида тиз чўкиб, мигрант пойабзалини артгани акс этган видеони оммага эълон қилди.

Пушков ўзининг телеграм-каналида ОАВларда ёритилган ушбу ҳодиса ҳақидаги хабарлар скриншотини жойлаштирди ва бу сингари "америка модасига кўр-кўрона тақлид қилишлар" "иккиламчи ва мустақил бўлмаган" одамларга хослигини айтди.

Сизларни севамиз: Калифорнияда полициячи намойишчилар олдида тиз чўқди - Sputnik Ўзбекистон
Сизларни яхши кўрамиз: АҚШда полициячи намойишчилар олдида тиз чўкиб кечирим сўради

"Ишонаманки, ушбу ҳатти ҳаракат ва ифодалаб бўлмас даҳшат - ғалати истисно сифатида қолади. Ахир бу ерда ўзлаштирилган поза ва ички бўшлиқдан бошқа ҳеч нарса йўқ", дея хулоса қилган россиялик сенатор.

Сал олдин Минеаполисда полициячилар қора танли Жорж Флойдни ўлдириб қўйишганларидан кейин АҚШ шаҳарларини норозилик ва тартибсизликлар тўлқинлари қамраб олган эди. Интернетларда пайдо бўлган видеода полициячилар Флойднинг қўлига кишан тақиб, уни ерга йиқитишгани ва учовлашиб унинг устига чиқиб олишгани, полициячилардан бири Флойднинг бўйнига тиззасини қўйгани акс этган эди. Флойд видеода бир неча маротаба нафас ололмаётгани ҳақида такрорлайди, сўнгра жимиб қолади. У реанимацияда вафот этган.

Тартибсизликлардан сўнг тўрт полициячи ишдан бўшатилди, улардан бири қотилликда айбланди.

Шунингдек, тармоқларда полициячилар американинг тартибсизликлар қамраб олган шаҳарларида норозилик намойишчилари олдида тиз чўкишгани акс этган видео пайдо бўлди. Оттавада ирқчилик ва полициячилар шафқатсизлигига қарши намойишларда иштирок этган Канада бош вазири Жастин Трюдо ҳам ҳалок бўлган Флойд хотирасига тиз чўккан эди.

Янгиликлар лентаси
0