Синай ярим оролида ҳалокат жойини кўздан кечирган экспертлар самолёт ҳавода парчаланиб кетганини таъкидлашди.
Шу ўринда "Когалымавиа" компанияси вакиллари самолет двигатели ёки бошқа тизими ишдан чиқиши натижасида ҳавода парчаланиб кетиши мумкин эмас. Самолёт ҳалокати ташқи таъсир натижасида содир бўлган дейишмоқда.
Компания маълумотига қараганда, ҳалокат содир бўлган вақтда А321 экипажи самолёт бошқаруви назоратини бутунлай йўқотишган. Ҳалокатга учраган самолёт олдин дум қисмида жараҳатланган бўлганлиги ҳам маълум бўлди, лекин парвоз олдидан самолёт тўлиқ техник назоратдан ўтган.
Россия президентининг матбуот котиби Дмитрий Песков ҳалокатнинг барча сабабларини ўрганишни талаб қилди ва ушбу ҳалокатни, албатта, Россиянинг Суриядаги ҳарбий операцияси билан боғлаш керак эмаслигини таъкидлади.
Ҳалокат мунособати билан Санкт-Петербургда уч кунлик мотам эълон қилинган. Дунёнинг кўплаб мамлакатлари раҳбарлари, жумладан АҚШ Давлат секретари Жон Керри, Қозоғистон, Босния ва Герцоговина, ЖАР, Чехия, Эритрея, Судан, Словакия, Сурия, Сингапур, Сейшел ороллари, БАА, Монголия, Мали, Жанубий Корея, Қирғизистон ва Въетнам раҳбарлари, Монако қироли, Оман султони, Куба раҳбари Рауль Кастро, Афғонистон собиқ раҳбари Карзай ва Норвегия бош вазирлари ҳалокат мунособати билан Россия президентига ва халқига самимий ҳамдардлик билдирмоқда.
