Путин: Биз ер сотмаймиз, гарчи Япония билан тинчлик шартномаси тузиш - ўта муҳим масаладир

© Sputnik / Алексей Никольский / Медиабанкка ўтишПутин ва Синдзо Абе
Путин ва Синдзо Абе - Sputnik Ўзбекистон
Oбуна бўлиш
Бугун Владивостокда бўлиб ўтилиши кутилаётган учрашув олдидан Путин, фақатгина икки мамлакат орасида ўзаро ишонч пайдо бўлганда, Курил ороллари муаммосини ҳал қилиш мумкинлигини айтди.

ТОШКЕНТ, 2 сен — Sputnik. Россия президенти Владимир Путин Япония бош вазири Синдзо Абе билан бугун Владивостокда бўлиб ўтиши кутилаётган музокаралардан олдин, Россия “ўз ерини сотмайди” деди ва икки мамалкат орасида тинчлик шартномаси тузиш ўта муҳимлигини таъкидлаб ўтди.

“Биз ер савдоси билан шуғулланмаймиз, гарчи Япония билан тинчлик шартномаси тузиш масаласи ўта муҳимдир. Биз япониялик дўстларимиз билан ушбу муаммонинг ечимини топишни жуда ҳам истардик”, — деди суҳбат давомида Россия президенти Владимир Путин Блумберг мухбирига.

Хитой мисоли

Шунга ўхшаша муаммони муваффақиятли ҳал қилиниш мисоли сифатида,  Путин Амур дарёсида жойлашган Тарабаров оролини мисол келтирди. Маълумки ушбу орол қайси мамлакатга тегишли эканлиги ҳақида Россия ва Хитой 40 йил давомида музокаралар олиб борган эди.

Япония Бош вазири Синдзо Абэ - Sputnik Ўзбекистон
Япония Бош вазири Россия билан «янги тарих саҳифасини” бошламоқчи

“Яна бир бор айтмоқчиман, 40 йил, — ва ниҳоят иккала томонни ҳам қониқтирадиган компромисс топилди. Оролнинг бир қисми Россияга яна бир қисми эса Хитой Халқ республикаси томонига абадий ўтди”, — деди Путин.

Путин айтишига қараганда, фақатгина икки мамлакат орасида ўзаро ишонч пайдо бўлгани туфайли ушбу муаммони ҳал қилиш имкони пайдо бўлган.

“Агар Япония билан ҳам шундай юқори ишонч даражасига эришсак, балким ўзаро келишувга келишимиз мумкин”, — деди Россия президенти.

Япония муаммоси

Япония муаммоси Иккинчи Жаҳон уруши натижаси сифатида пайдо бўлган эди. Курил ороллари Иккинчи Жаҳон уруши якунига кўра СССРга ўтган эди. 1956 йилда имзоланган шартнома СССР Олий Кенгаши ва Япония парламенти томонидан ратификация қилинган эди. Кейинроқ, Токио шартномани бажаришни тўхтатди, бунга жавобан СССР ҳам шартномани бажаришни давом эттирмаган эди. 

РФ Президенти Владимир Путин Россия - АСЕАН саммити якуни бўйича ўтказилган матбуот-анжуманида - Sputnik Ўзбекистон
Путин Курил ороллари ҳақида: сотадиган нарсамиз йўқ

“Бир неча йил олдин биз Япониялик ҳамкорларимиз биздан ушбу мавзуга қайтишни сўраган эди, биз бунга рози ҳам бўлган эдик. Лекин ўтган икки йил давомида япония томони ушбу ташаббусни музлатиб қўйди. Лекин бугун бизнинг япониялик ҳамкорларимиз яна бир бор ушбу мавзуга қайтишни сўрашмоқда. Гап ерни сотиш ёки алмашиш ҳақида кетмаяпти. Гап муаммонинг иккала томонни ҳам тўлиқ қониқтирадиган ечимини топиш ҳақида кетаяпти. Ҳеч бир томон ўзини енгилган ёки ютқизган деб ҳис қилмаслиги керак”, — деб қўшимча қилди Путин.

© Sputnik / Сергей Красноухов / Медиабанкка ўтишКурил ороллари тизмасига кирувчи Кунашир ороли
Остров Кунашир - Sputnik Ўзбекистон
Курил ороллари тизмасига кирувчи Кунашир ороли
Курил ороллари муаммоси узоқ йиллар давомида Россия ва Япония орасида тинчлик шартномаси имзоланишига халал бериб келмоқда. Токио 1855 йилги шартномага асосан Итуруп, Кунашир, Шикотан ва Хабомаи ороллари Японияга берилишини талаб қилмоқда. Москва эса, ушбу ороллар Иккинчи Жаҳон учуши натижаларига кўра қонуний равишда СССР таркибига, кирганини даъво қилмоқда.

Янгиликлар лентаси
0