Ўзбекистонда амнистия эълон қилинди

© Sputnik / Александр Солодков / Медиабанкка ўтишВақтинча ҳибсда сақлаш жойидан озод қилинган эркак ўғлини бағрига босмоқда
Вақтинча ҳибсда сақлаш жойидан озод қилинган эркак ўғлини бағрига босмоқда - Sputnik Ўзбекистон
Oбуна бўлиш
Умрбод озодликдан маҳрум қилишга ҳукм қилинган, ўта хавфли рецидивист деб топилган, жиноий уюшма таркибида жиноят содир этган, жазони ўташ тартибини мунтазам равишда бузаётган, муқаддам афв этиш ёки амнистия тартибида жиноий жавобгарликдан ёки жазодан озод қилинган ва яна қасддан жиноятлар содир этганларга амнистия жорий этилмайди

ТОШКЕНТ, 12 окт — Sputnik. Ўзбекистон Республикаси Олий Мажлиси Сенати Ўзбекистон Конституцияси қабул қилинганлигининг 24 йиллиги муносабати билан амнистияни қўллаш тўғрисидаги актни қабул қилди.

Ўзбекистон Республикаси Олий Мажлис биноси - Sputnik Ўзбекистон
Мирзиёев амнистия масалалари борасида парламентга тақдимнома киритди
Тегишли қарор Ўзбекистон Республикаси Президенти вазифасини бажарувчи, Бош вазир Шавкат Мирзиёев Олий Мажлис юқори палатаси (Сенати)га амнистия масаласи юзасидан тақдимнома киритганидан сўнг қабул қилинди.

Сенатнинг қонунчилик ва суд-ҳуқуқ масалалари бўйича қўмитаси раиси Толибжон Мадумаров Амнистия тўғрисидаги қарор лойиҳаси ва уни қўллаш тартибига оид ҳужжатни сенаторлар муҳокамасига тақдим этди.

Шундай қилиб, сенаторлар томонидан тасдиқланган Амнистия актига мувофиқ, аёллар, жиноят содир этган вақтида 18 ёшга тўлмаган шахслар, 60 ёшдан катта эркаклар, хорижий давлатлар фуқаролари, биринчи ва иккинчи гуруҳ ногиронлари, сил касаллигининг фаол кўриниши билан хасталанганлар афв этилади.

Бундан ташқари, эҳтиётсизлик натижасида жиноят содир этган, шунингдек, жамият хавфсизлигига жиддий раҳна солмайдиган жиноятни қасддан содир этгани учун биринчи марта судланганлар ва жазони ўташ муддатига 3 йилдан кам вақт қолганлар озодликка чиқарилади.

Қасддан жиноят содир этганлиги учун 10 йил муддатга озодликдан маҳрум этилган ва амнистия акти бўйича озодликка чиқарилмайдиган шахсларнинг қолган муддати учдан бирга, 10 йилдан кўпроққа маҳкум этилганларнинг қолган жазо муддати тўртдан бирга қисқартирилади.

Шу билан бирга, тақиқланган ташкилотлардаги иштироки учун, ёки уларнинг таркибида тинчлик ва хавфсизликка ёхуд жамоат хавфсизлигига қарши жиноят содир этганлиги учун илк бор озодликдан маҳрум этилган ва қарашини жиддий ўзгартириб, ахлоқий тузалиш йўлига кирган шахслар ҳам жазони ўташдан озод этилади.

Туркманистон президенти Гурбангули Бердимуҳаммедов - Sputnik Ўзбекистон
Туркманистон раҳбари "Қадр кечаси" шарафига 612 кишини авф этди
Амнистия актида, унинг бандлари қўлланилмайдиган ҳолатларга ҳам ойдинлик киритилган. Хусусан, узоқ муддат ёки умрбод қамоқ жазосига маҳкум этилганлар, тақиқланган ташкилотда фаолият юритиб, унинг таркибида тинчлик ва хавфсизликка ёхуд жамоат хавфсизлигига қарши жиноятларни содир этган, жиноий гуруҳларда ўта хавфли жиноятларни содир этган ва ўта хавфли рецидивистлар дея тан олинган ҳамда жазони ўташ тартибини доимий бузиб келган, шунингдек, амнистия ёки афв қилиш билан озодликка чиқарилгандан кейин ҳам қасддан жиноят содир этганларга нисбатан мазкур амнистия акти қўлланилмайди.

Ҳужжатда қайд этилишича, амнистия қарори фақат суд ҳукми бўйича ижро этилади.

Ушбу амнистия акти Сенат қабул қилган кундан бошлаб 3 ой муддатда амалга оширилади. 

Авф этилганларнинг аниқ сони сал кечроқ маълум бўлади.

Янгиликлар лентаси
0