ТОШКЕНТ, 12 мар — Sputnik. Яқин 2 йил ичида Бухоро шаҳрининг марказий қисми қайта қурилади. Бу шаҳар марказидаги кўчалардан бирини Ўзбекистоннинг биринчи президенти Ислом Каримов хотирасига қайта номлаш билан боғлиқ.
Ҳозирда ушбу кўча қиёфасини ўзгартириш, унинг икки томонида замонавий бинолар барпо этиш бўйича уч йилга мўлжалланган лойиҳа ишлаб чиқилган.
"2017—2021 йилларда барпо этиладиган 5, 6, 7 қаватдан иборат бу турар-жойлар аҳолини арзон ва замонавий уйлар билан таъминлаш, турмуш фаровонлигини оширишга хизмат қилади", — дейилган Ўзбекистон президенти матбуот-хизмати тарқатган хабарда.
Шунингдек, Бухоро шаҳрининг тарихий қисмида анъанавий ҳунармандлик устахоналарини жамлаган икки қаватли уйлардан иборат ҳунармандлар мавзеси қурилади.
Мирзиёев ҳунармандлик бозорини тартибга келтиришни, миллий анъаналар акс этган, замонавий расталар қуришни таклиф қилган.
