Шавкат Мирзиёев маҳалла ва унинг вазифаси ҳақида гапирди

© Пресс-служба президента РУзЎзбекистон президенти Шавкат Мирзиёев
Ўзбекистон президенти Шавкат Мирзиёев - Sputnik Ўзбекистон
Oбуна бўлиш
Маҳаллалар ўз зиммасидаги вазифаларни самарали бажариши учун ҳуқуқий асослар билан бирга, етарли шарт-шароитларга ҳам эга бўлмоғи лозим, деди Мирзиёев

ТОШКЕНТ, 13 апр — Sputnik. Ўзбекистон президенти Шавкат Мирзиёев Чилонзор туманидаги "Катта Хирмонтепа" ва "Яккатут" маҳалла фуқаролар йиғинларида бўлди, деб хабар берди Ўзбекистон ИИВ матбуот-хизмати.

Ўзбекистон президенти Шавкат Мирзиёев - Sputnik Ўзбекистон
Мирзиёев Чилонзор туманидаги саноат корхоналари, ижтимоий объектларга ташриф буюрди
"Катта Хирмонтепа" маҳалласида асосан кўп қаватли уйлар жойлашган. Давлат раҳбари маҳалла ҳудуди билан танишди. Кўп қаватли уйлар, мактабгача таълим муассасалари, мактаблар атрофини ободонлаштириш, йўлакларни таъмирлаш бўйича мутасаддиларга кўрсатмалар берди, дейилади хабарда.

Ўзбекистон раҳбари мактаб – таълим-тарбия маскани эканини, бу жойдаги ободонлаштириш ишларига алоҳида эътибор қаратиш зарурлигини таъкидлаган. "Таълим муассасалари олдида доимо гул экилган, саронжом-саришта бўлиши керак", — деб қўшимча қилган у.

"Яккатут" маҳалласида иккита мактабгача таълим муассасаси, иккита мактаб, иккита коллеж фаолият юритмоқда. Президент мазкур маҳалла ҳаёти билан танишди, халқ билан мулоқот қилган. Шу ерда Мирзиёевга Тошкент шаҳрида қурилиши режалаштирилган намунавий маҳалла марказлари лойиҳалари ҳақида ахборот берилган.

Жорий йилнинг март ойида Мирзиёев Юнусобод туманидаги Увайсий номидаги маҳаллада бўлиб, бу ерда фуқаролар йиғини ходимлари, профилактика инспектори ва аҳоли учун яратилган қулай шароитлар билан танишар экан, пойтахт, қолаверса, мамлакатнинг барча ҳудудларида мана шундай маҳалла марказларини бунёд этиш ҳақида кўрсатмалар берган эди.

Ўзбекистон президенти Шавкат Мирзиёев - Sputnik Ўзбекистон
Ўҳў: Янги "Маҳалла" вазирлиги ва Мирзиёевнинг интернетни "портлатган" фармони
"Маҳаллалар ўз зиммасидаги вазифаларни самарали бажариши учун ҳуқуқий асослар билан бирга, етарли шарт-шароитларга ҳам эга бўлмоғи лозим", деган Мирзиёев.

Таклиф этилаётган янги маҳалла марказлари лойиҳасида маҳалла раиси, котиб ва маслаҳатчилар, профилактика инспектори учун алоҳида хоналар бўлиши кўзда тутилган. Бу халққа хос ҳамжиҳатлик, меҳр-оқибат фазилатларини янада кучайтиришга хизмат қилади, дея қайд этилган хабарда.

Давлат раҳбарининг тавсиясига кўра, профилактика инспектори ўзи ишлайдиган маҳалла ҳудудида яшаши лозим. Бу профилактика инспектори маҳалладаги ҳар бир хонадон билан яқин мулоқот ўрнатиши, кўчалар ва жамоат жойларини қатъий назоратга олишида муҳим аҳамиятга эга.

Профилактика инспекторларини хизмат уйлари, имтиёзли кредитлар ҳисобига машиналар билан таъминлаш, уларнинг яшаши ва самарали ишлаши учун барча шароитларни яратиш бўйича зарур топшириқлар берилган.

Ўзбекистон президенти Шавкат Мирзиёев - Sputnik Ўзбекистон
Мирзиёев: маҳалла раиси ким нима билан машғул - ҳаммасини билиши лозим
Маҳалла марказларида чойхона, новвойхона, "Гўзаллик салонлари", дўконлар, спорт ва болалар майдончалари бўлиши одамларнинг зарур эҳтиёжларини қондириш билан бирга, ҳудуддаги маънавий муҳит барқарорлигини таъминлашга ҳам хизмат қилади.

"Маҳалла халқ билан давлат ўртасидаги кўприк бўлиши керак. Одамларнинг қувончу ташвишидан доимо хабардор бўлиш маҳалланинг асосий вазифасидир", — деб қайд этган Мирзиёев.

Янгиликлар лентаси
0