Шавкат Мирзиёев ва Абдулфаттоҳ ас-Сисининг тор доирадаги учрашуви

© Пресс-служба президента УзбекистанаВ резиденции Куксарой состоялись переговоры Президента Республики Узбекистан Шавката Мирзиёева и Президента Арабской Республики Египет Абдулфаттаха ас-Сиси
В резиденции Куксарой состоялись переговоры Президента Республики Узбекистан Шавката Мирзиёева и Президента Арабской Республики Египет Абдулфаттаха ас-Сиси  - Sputnik Ўзбекистон
Oбуна бўлиш
Кўксаройда Шавкат Мирзиёев ва Абдулфаттоҳ ас-Сисининг тор доирадаги музокаралари бўлиб ўтди. 

ТОШКЕНТ, 5 сен - Sputnik.  Кўксаройда Ўзбекистон президенти Шавкат Мирзиёев ва Миср Араб Республикаси президенти Абдулфаттоҳ ас-Сисининг тор доирадаги музокаралари бўлиб ўтди, деб хабар қилмоқда Sputnik мухбири.  

Ўзбекистон президенти олий мартабали меҳмонни Ўзбекистонга ташрифи билан қутлаб, бу икки мамлакат ўртасидаги алоқаларда тарихий воқеа эканини таъкидлади. 

“Биз Мисрга инсоният цивилизацияси марказларидан бири, бугунги кунда катта салоҳиятга эга давлат сифатида қараймиз. Мамлакатларимиз ва халқларимиз ўртасида қадимдан алоқалар бўлган. Мана бугун Ўзбекистон билан Миср ҳамкорлигида янги босқич, амалий ишлар бошланмоқда. Ушбу ташрифга тайёргарлик жараёнида мамлакатларимизда фойдаланилмаётган улкан имкониятлар борлиги аён бўлди. Бугун ўтаётган бизнес-форумда қиймати 400 миллион долларлик шартномалар бўйича келишувга эришилгани шундан далолат. Ишонаманки, Миср Президентининг Ўзбекистонга ташрифи ўзаро ҳамкорлигимизда катта натижалар беради”, - деди Шавкат Мирзиёев.

Давлат раҳбарлари аввал эришилган келишувлар ва имзоланган ҳужжатларнинг натижалари муҳокама қилишди ҳамда сиёсий, савдо-иқтисодий, инвестициявий, инновацион ва илмий-техникавий, туризм ва маданият соҳаларида ўзаро манфаатли ҳамкорликни янада фаоллаштириш муҳимлигини таъкидлади.

Президент Египта прибыл в Ташкент - Sputnik Ўзбекистон
Миср президенти Ўзбекистонга келди

Шу мақсадда икки томонлама шартномавий-ҳуқуқий базани мустаҳкамлаш, турли даражаларда учрашувлар ўтказиш ва шериклик алоқаларини ривожлантириш зарурлиги қайд этилди.

Давлат раҳбарлари халқаро ва минтақавий сиёсатнинг долзарб масалалари юзасидан ҳам фикр алмашди. Минтақавий хавфсизликни мустаҳкамлаш, халқаро терроризм ва диний экстремизмга қарши курашиш масалаларига эътибор қаратилди. Бу борада тажриба алмашиш, идоралараро алоқаларни йўлга қўйиш ва қўшма ишчи гуруҳи ташкил этишга қарор қилинди.

Афғонистонда мустаҳкам тинчлик ва барқарорлик ўрнатиш йўлидаги саъй-ҳаракатларни бирлаштириш, бу масалалар бўйича Ташқи ишлар вазирликлари ўртасида сиёсий маслаҳатлашувлар ўтказишга келишиб олинди.

Президентлар кўриб чиқилган барча масалалар юзасидан қарашлари яқин ва ўхшаш эканлигини таъкидладилар.

Абдулфаттоҳ ас-Сиси Шавкат Мирзиёевни Мисрга ташриф билан боришга таклиф этди.

Янгиликлар лентаси
0