01:19 18 Декабр 2018
Эфир
  • RUB125.22
  • EUR9456.46
  • USD8312.64

Савдо, транспорт ва хавфсизлик: Мирзиёев МДҲ етакчилари билан нималарни муҳокама қилди

© Фото: пресс-служба президента Узбекистана
Сиёсат
Ҳавола олиш
51210

Ўзбекистон келаси йил МДҲда ҳамраис, 2020 йилда эса МДҲ Давлат раҳбарлари саммитига мезбон бўлади

ТОШКЕНТ, 7 дек - Sputnik. Ўзбекистон президенти Шавкат Мирзиёев 2018 йил 6 декабрь куни Мустақил Давлатлар Ҳамдўстлигига аъзо мамлакатлар Давлат раҳбарлари кенгашининг Санкт-Петербург шаҳрида бўлиб ўтган норасмий мажлисида иштирок этди, деб хабар берди Ўзбекистон президенти матбуот-хизмати.

Ўзбекистон раҳбарини Россия Федерацияси президенти Владимир Путин кутиб олди. 

Суратга тушиш маросимидан сўнг МДҲга аъзо давлатлар раҳбарларининг норасмий учрашуви бошланди. 

Учрашувда Ҳамдўстлик давлатларининг савдо-иқтисодий ҳамкорлигини янада ривожлантириш, ўзаро савдо ҳажмини ошириш, транспорт-коммуникация салоҳиятидан самарали фойдаланиш, шунингдек, хавфсизликни мустаҳкамлаш, замонавий хатар ва таҳдидларнинг олдини олиш ва уларга қарши курашиш масалаларига эътибор қаратилди. 

Гуманитар, таълим ва туризм соҳаларида алмашувларни изчил давом эттириш зарурлиги таъкидланди.

Томонларни қизиқтирган бошқа масалалар ҳам муҳокама қилинди.

Ўзбекистон келаси йил МДҲда ҳамраис, 2020 йилда эса МДҲ Давлат раҳбарлари саммитига мезбон бўлади.

МДҲ норасмий саммити доирасида Мирзиёев қатор давлат раҳбарлари билан икки томонлама суҳбатлар ўтказди.

Уларда 2018 йилда самарали шерикликнинг асосий якунлари ва келгусидаги ҳамкорликнинг истиқболли йўналишлари муҳокама қилинди.

Шу билан Ўзбекистон президенти Шавкат Мирзиёевнинг Санкт-Петербург шаҳрига ташрифи якунига етди.

Асосий мавзулар