Назарбоев яна латифа айтиб, ҳаммани кулдирди

© Фотохост-агентство / Медиабанкка ўтишЗаседание Высшего Евразийского экономического совета на уровне глав государств (ВЕЭС)
Заседание Высшего Евразийского экономического совета на уровне глав государств (ВЕЭС) - Sputnik Ўзбекистон
Oбуна бўлиш
Назарбоев аёллар ва ҳукумат йўл қўядиган ҳаражатлардан норози эркаклар ҳақида латифа атиб берди

ТОШКЕНТ, 7 мар — Sputnik. Қозоғистон президенти Нурсултон Назарбоев 8 март арафасида аёллар билан анъанавий учрашуви вақтида машҳур қозоғистонликларни эркаклар ҳақида латифа айтиб кулдирди, деб хабар қилмоқда Sputnik Қозоғистон.

Қозоғистон президенти Нурсултон Назарбоев - Sputnik Ўзбекистон
Назарбоев маъноли латифа айтиб берди

Назарбоевнинг фикрича, аксарият аёллар эркаклардан ақллироқ. Айнан шу сабабли, кучли жинс вакиллари аёлларни раҳбарлик курсисига яқинлаштирмасликка ҳаракат қилишади.

"Эркак билади: аёл унинг ўрнини эгалласа, ундан яхшироқ ишлашни бошлайди. Шу боис, уни яқинлаштирмасликка ҳаракат қилади, чунки рақобатда албатта ютқазади. Аёллар қанчалик муваффақият қозонишмасин, уларнинг фикрлари оиласида, яқинларида бўлади", - деди Назарбоев.

Қозоғистон раҳбари эркаклар аёллар ва ҳукуматнинг пул сарфлашига нисбатан муносабатини ўзаро таққослади.

"Эркаклар ҳукумат ва ўз рафиқасининг пулни қандай сарфлашини ёқтиришмайди. Лекин улар фақат ҳукуматни танқид қила олишади", - деб ҳазиллашди президент.

Бундан ташқари, Нурсултон Назарбоев қозоғистонлик аёлларга "қаттиқроқ эшиттириб орзу қилишни" маслаҳат берди.

"Айтишадику, агар 8-мартда сизга орзу қилган нарсангизни совға қилишмаган бўлса, келаси сафар янада қаттиқроқ эшиттириб орзу қилинг. Эркаклар сизнинг фикрлашингиз ва донолигингизни, албатта қадрлайди, чунки эркакларнинг бирорта фикри аёлнинг биттагина ҳис-туйғусига ҳам арзимайди", - дея хулоса қилди Назарбоев.

Янгиликлар лентаси
0