Пекинда “Бир макон, бир йўл” халқаро форуми бошланди

Oбуна бўлиш
Форум икки кун давом этади. Унда Шавкат Мирзиёевнинг нутқ сўзлаши ҳам режалаштирилган.

ТОШКЕНТ, 26 апр – Sputnik. Пекин шаҳрида “Бир макон, бир йўл” иккинчи халқаро форуми расман очилди. Маросимда Шавкат Мирзиёев иштирок этди. Бу ҳақда президент матбуот хизмати хабар қилди.

Анжуманни Хитой Халқ Республикаси раиси Си Цзиньпин очиб, унда иштирок этаётган барча делегациялар раҳбарлари, кўп сонли эксперт ва таҳлилий доиралар вакилларига миннатдорлик билдирган.

Президент Узбекистана Шавкат Мирзиёев встретился с Председателем КНР - Sputnik Ўзбекистон
Шавкат Мирзиёев Си Цзиньпинни Ўзбекистонга таклиф қилди

Хабарда ёзилишича, Хитой раиси БМТ, ШҲТ, Европа Иттифоқи, Евроосиё иқтисодий иттифоқи каби халқаро ва минтақавий тузилмалар ҳамкорлигида амалга оширилаётган «Бир макон, бир йўл» лойиҳаси турли мамлакатларнинг миллий тараққиёт стратегиясига мос келишини, шу жиҳатдан бутун дунёда иқтисодий ривожланишга кенг йўл очишини таъкидлаган.

Форумнинг очилишида халқаро савдо ва инвестиция алоқаларини мустаҳкамлаш, янги транспорт ва логистика йўлаклари яратилишини рағбатлантириш бўйича амалга ошириладиган лойиҳалар хусусида сўз юритилди. Ушбу лойиҳада иштирок этаётган мамлакатлар сафи кенгайиб бораётгани, бу дунёда барқарор ривожланишга интилиш кучаяётганини ифода этиши таъкидланди, дейилади хабарда.

Текстильные фабрики Uztex Chirchik и Eurotex Global в Узбекистане - Sputnik Ўзбекистон
Хитой Ўзбекистонда 1000 киши ишлайдиган тўқимачилик корхоналари қуради

Эслатиб ўтамиз, “Бир макон, бир йўл” халқаро форуми илк бор 2017 йилда ўтказилган. Хитой илгари сурган мазкур ташаббус икки йўналиш - қуруқлик ва денгиз йўлларини ривожлантириш ва ўзаро боғлаш орқали давлатлараро ҳамкорлик механизмларини мустаҳкамлашга қаратилган. Ҳозирда у Осиё, Европа ва Африкадаги 65 мамлакатни қамраб олган. Келгусида унга бошқа давлатлар ҳам қўшилиши натижасида глобал иқтисодий маконга айланади. 

Бу галги форумда минтақавий иқтисодий ҳамкорликни янада мустаҳкамлаш, узоқ муддатли тараққиётнинг янги манбаларини излаб топиш борасидаги шерикликни фаоллаштириш, “яшил” иқтисодиёт ва инновацияларни илгари суриш, устувор инфратузилмавий лойиҳаларни амалга ошириш масалаларига алоҳида эътибор қаратилади.

Маълум қилинишича, форум икки кун давом этади. Унда Шавкат Мирзиёевнинг нутқ сўзлаши ҳам режалаштирилган.

Янгиликлар лентаси
0