Ўзбекистон ва Франция ўртасида авиақатновлар тўғрисидаги ҳукуматлараро битим кучга кирди

© Sputnik / Наталья Селиверстова / Медиабанкка ўтишГорода мира. Париж
Города мира. Париж - Sputnik Ўзбекистон
Oбуна бўлиш
Битим икки давлатнинг белгиланган авиаташкилотлари ўртасидаги халқаро ҳаво қатновларини ривожлантириш ва улардан фойдаланиш масалаларини тартибга солади.

ТОШКЕНТ, 1 май – Sputnik. 2019 йилнинг 1 майдан Ўзбекистон Республикаси Ҳукумати билан Франция Республикаси Ҳукумати ўртасида 2016 йил 20 июль куни Тошкент шаҳрида имзоланган Авиақатновлар тўғрисидаги битим кучга кирди. Бу ҳақда ТИВ матбуот хизмати хабар қилди.

Франция - Ўзбекистон муносабатлари - Sputnik Ўзбекистон
Ўзбекистон Франция муносабатлари

Хабарда таъкидланишича, битим икки давлатнинг белгиланган авиаташкилотлари ўртасидаги халқаро ҳаво қатновларини ривожлантириш ва улардан фойдаланиш масалаларини тартибга солади.

Ҳужжат қоидаларига кўра, ҳар бир томоннинг белгиланган авиаташкилотлари иккинчи давлат ҳудудида келишилган пунктларда қўнишни амалга ошириш ва уларнинг ҳудудларидан қўнмасдан учиб ўтиш учун тегишли ҳуқуқлардан фойдаланади.

“Ўзбекистон ва Франция ўртасидаги ҳаво қатновларини ривожлантириш мақсадида битимда авиаташкилотларга доимий қатновларни амалга оширишни таъминловчи ва божхона йиғимлари, солиқ ва бошқа тўловлардан озод этувчи имтиёзлар ўзаролик асосида тақдим қилиш кўзда тутилган”, - дейилади хабарда.

Встреча президента Узбекистана Шавката Мирзиёева и президента Франции Эммануэля Макрона - Sputnik Ўзбекистон
Музокаралар якунига кўра Ўзбекистон ва Франция ўртасида 10та ҳужжат имзоланди

Бундан ташқари, битимда авиация соҳасидаги хавфсизлик ва икки мамлакат авиация ташкилотлари ўртасида юзага келиши мумкин бўлган баҳсларни ҳал этиш меъёрлари ҳамда ўзаро ҳамкорлик қилишнинг бошқа шартлари белгилаб қўйилган.

Хабарда мазкур битим икки томонлама ҳамкорликни янада ривожлантиришга ижобий туртки беради, икки мамлакат ўртасидаги савдо-иқтисодий алоқаларни янада кенгайтириш учун янги истиқболларни очади ва ўзаро манфаатли авиаташувлар бозорини шакллантиришга кўмаклашиши қайд этилган.

Янгиликлар лентаси
0