Мирзиёев Токаевни ишончли ғалаба билан табриклади

© Пресс-служба президента УзбекистанаШавкат Мирзиёев и Касым-Жомарт Токаев открыли год Казахстана в Узбекистане
Шавкат Мирзиёев и Касым-Жомарт Токаев открыли год Казахстана в Узбекистане - Sputnik Ўзбекистон
Oбуна бўлиш
Президентлар Ўзбекистон ва Қозоғистон ўртасидаги стратегик шериклик ва кўп қиррали ҳамкорлик муносабатларини изчил ривожлантириш ва мустаҳкамлаш устувор аҳамиятга эга эканини яна бир бор таъкидладилар.

ТОШКЕНТ, 10 июн – Sputnik. Ўзбекистон президенти Шавкат Мирзиёев 10 июнь куни Қозоғистон президенти Қосим-Жомарт Токаев билан телефон орқали мулоқот қилди. Бу ҳақда президент матбуот хизмати хабар қилди.

Суҳбат аввалида давлат раҳбари Қасим-Жомарт Токаевни кеча бўлиб ўтган Қозоғистон президенти сайловида ишончли ғалабага эришгани билан самимий табриклади.

Касим-Жомарт Токаев - Sputnik Ўзбекистон
Exit poll: Токаев 70%дан ортиқ овоз тўплайди

“Сайлов натижалари Қозоғистон халқи Қасим-Жомарт Тоқаевни кенг қўллаб-қувватлаши ва унга улкан ишонч билдиришини, унинг мамлакат барқарор тараққиётига ва халқаро нуфузини оширишга ҳиссасини юксак баҳолашини яна бир бор намойиш этгани, амалга оширилаётган сиёсат ва энг муҳим ижтимоий-иқтисодий ислоҳотларнинг изчил давом эттирилишига қатъий ишончнинг ифодаси бўлгани алоҳида таъкидланди”, - дейилган хабарда.

Қозоғистон Президентининг жорий йил апрель ойидаги Ўзбекистонга илк давлат ташрифи дўстлик, яхши қўшничилик ва стратегик шериклик муносабатларини мустаҳкамлашга ўзаро интилишнинг тасдиғи бўлиб, икки томонлама ҳамкорлик ривожига янги суръат бағишлагани қайд этилди.

Суҳбат чоғида Шавкат Мирзиёев ва Қосим-Жомарт Токаев Ўзбекистон билан Қозоғистон ўртасидаги ҳамкорликка доир, шунингдек, минтақавий ва халқаро аҳамиятга молик долзарб масалаларни муҳокама қилдилар.

Келгусидаги, жумладан, кўп томонлама ташкилотлар тадбирлари доирасидаги олий даражадаги учрашувлар режаси ҳам кўриб чиқилди. 

Президентлар Ўзбекистон ва Қозоғистон ўртасидаги стратегик шериклик ва кўп қиррали ҳамкорлик муносабатларини изчил ривожлантириш ва мустаҳкамлаш устувор аҳамиятга эга эканини яна бир бор таъкидладилар.

Янгиликлар лентаси
0