Эрон Сулаймоний ўлими учун Трампни судга чақиришни режалаштирмоқда

© Sputnik / Владимир Федоренко / Медиабанкка ўтишВид на один из кварталов Тегерана
Вид на один из кварталов Тегерана - Sputnik Ўзбекистон
Oбуна бўлиш
Шу билан бирга, Раисий, Эрон ҳукумати айнан қайси инстанцияга мурожаат этишни режалаштирганлигига аниқлик киритмаган.

ТОШКЕНТ, 13 янв — Sputnik. Эрон Олий суди раҳбари Иброҳим Раисий Теҳрон судда АҚШ президенти Дональд Трампни генерал Касем Сулаймоний қотиллигида айблашини маълум қилди.

Города мира. Женева - Sputnik Ўзбекистон
АҚШ БМТ Хавфсизлик кенгашида Эрон билан музокараларга тайёрлигини маълум қилди

"Биз уни тинч қўймаймиз, у халқаро трибунал қаршисида туриши керак", - деб келтиради Раисий сўзларини Fars ахборот агентлиги.

Олий суд раиси таъкидлаганидек, бу иш билан инсон ҳуқуқлари бўйича Эрон кенгаши ташқи сиёсий маҳкама билан биргаликда шуғулланмоқда.

Шу билан бирга, Раисий, Эрон ҳукумати айнан қайси инстанцияга мурожаат этишни режалаштирганлигига аниқлик киритмаган.

Яқин Шарқдаги зиддият

Америка қўшинлари декабрь ойи охирида Сурия ва Ироқдаги шияларга қарашли "Катаиб Хезмоллаҳ" объектлари бўйлаб зарба беришгач, Яқин Шарқдаги вазият ўта кескин тус олди. Шундан сўнг ҳаракат тарафдорлари Бағдоддаги америка дипмиссиясини штурм қилишга киришдилар, сўнгра Вашингтон томонидан ўтказилган махсус операцияда эронлик генерал Касем Сулеймоний ва Ироқ шия кўнгилли қўшинлари раҳбари ўринбосари Абу Махди ал-Муҳандис ҳалок бўлдилар. АҚШ уларни элчихонага уюштирилган штурмга алоқадор, деб ҳисобламоқда.

Верховный руководитель Исламской Республики Иран Сайед Али Хаменеи - Sputnik Ўзбекистон
Эрон олий етакчиси генерал Сулаймоний ўлими учун АҚШдан қасос олишга ваъда берди

Шундан сўнг, Теҳрон ва Вашингтон бир-бирларининг ҳарбий объектларига зарба бериш билан таҳдид қилдилар. Эрон парламенти америка армияси ва Пентагонни террористик ташкилот, деб тан олди.

Чоршанбага ўтар кечаси Эрон Американинг Ироқдаги ҳарбий базалари бўйлаб ракета зарбаларини амалга оширди. Эрон ОАВ хабарига кўра, 80 киши шу зарбалар қурбонига айланди.

АҚШ бу баёнотларни рад этмоқда. Трампнинг ўзи ҳужумдан сўнг "ҳаммаси жойида"лигини маълум қилди. Теҳрон америка базалари бўйлаб зарбаларни Сулаймоний ўлими учун қасос, деб татади.

Янгиликлар лентаси
0