Мирзиёев Путинни умуммиллий овоз бериш муваффақиятли ўтказилгани билан табриклади

© Пресс-служба президента УзбекистанаШавкат Мирзиёев и Владимир Путин провели переговоры
Шавкат Мирзиёев и Владимир Путин провели переговоры - Sputnik Ўзбекистон
Oбуна бўлиш
Ўзбекистон раҳбари россиялик ҳамкасбини Россия Федерацияси Конституциясига тузатишлар киритиш бўйича умуммиллий овоз бериш жараёни муваффақиятли ўтказилгани билан самимий табриклади.

ТОШКЕНТ, 2 июл — Sputnik. Ўзбекистон президенти Шавкат Мирзиёев Россия президенти Владимир Путин билан телефон орқали мулоқот қилди.

“Суҳбат аввалида давлатимиз раҳбари Владимир Путинни муҳим сиёсий тадбир – Россия Федерацияси Конституциясига тузатишлар киритиш бўйича умуммиллий овоз бериш жараёни муваффақиятли ўтказилгани билан самимий табриклади”, - дейилган президент матбуот хизмати хабарида.

Президентлар фашизм устидан қозонилган Ғалабанинг 75 йиллигига бағишланган тантанали тадбирларда Ўзбекистон делегациясининг иштироки доирасида Москва шаҳрида ўтган икки томонлама учрашувнинг самарали натижаларини катта мамнуният билан қайд этдилар.

Голосование по поправкам к Конституции РФ в Ташкенте - Sputnik Ўзбекистон
РФ Конституциясига тузатишларни 77,92% овоз берувчилар қўллаб-қувватлади

Давлат раҳбарлари Ўзбекистон-Россия стратегик шериклик ва иттифоқчилик муносабатларини янада мустаҳкамлаш, кўп қиррали ҳамкорликни кенгайтириш борасида қатъий эканликларини яна бир бор тасдиқладилар.

Бўлажак олий даражали ташрифлар кун тартибидаги масалаларга, шунингдек, коронавирус инфекцияси глобал миқёсда тарқалишининг мамлакатлар ўртасидаги савдо-иқтисодий алоқаларга салбий таъсирини камайтириш бўйича ўзаро мувофиқлашган чора-тадбирларни давом эттиришга алоҳида эътибор қаратилди.

Мулоқот чоғида халқаро сиёсатнинг долзарб масалалари юзасидан ҳам фикр алмашилди, МДҲ ва Шанхай ҳамкорлик ташкилоти саммитларига тайёргарлик кўриш ва уларни ўтказиш масалалари кўриб чиқилди.

Эслатиб ўтамиз, аввалроқ РФ Конституциясига тузатишларни 77,92% овоз берувчилар қўллаб-қувватлагани хабар қилинган эди.

Янгиликлар лентаси
0