Хитой раисининг Ўзбекистонга ташриф буюриши кутилмоқда

© Sputnik / Алексей Дружинин / Медиабанкка ўтишПредседатель КНР Си Цзиньпин
Председатель КНР Си Цзиньпин - Sputnik Ўзбекистон
Oбуна бўлиш
Хитой Халқ Республикаси Раиси Си Цзиньпиннинг Ўзбекистонга бўлажак давлат ташрифига пухта тайёргарлик кўрилмоқда.

ТОШКЕНТ, 15 окт — Sputnik. Хитой Халқ Республикаси раиси Си Цзиньпин Ўзбекистонга давлат ташрифи билан келади. Бу ҳақда Ўзбекистон президенти матбуот хизмати хабаридан маълум бўлди.

Шавкат Мирзиёев Хитой ҳамда Жанубий Корея билан ҳамкорликдаги савдо-иқтисодий, инвестициявий ва гуманитар лойиҳалар ижросига бағишланган йиғилиш ўтказди.

“Хитой билан ҳам алоқалар изчил ривожланмоқда. Хитой Халқ Республикаси Раиси Си Цзиньпиннинг мамлакатимизга бўлажак давлат ташрифига пухта тайёргарлик кўрилмоқда”, - дейилган хабарда. Бироқ ташриф санаси маълум қилинмаган. Си Цзиньпин илк бор 2016 йил 21 июнь куни давлат ташрифи билан мамлакатга келган эди.

Хабарда ёзилишича, шу йилнинг 8 ойи давомида Ўзбекистон билан Хитой ўртасидаги савдо айланмаси ҳажми 4 миллиард долларга, Жанубий Корея билан 1,4 миллиард долларга етди.

Президент иштирокида Хитой ва Кореяга экспорт масаласи муҳокама қилинди

Йиғилишда президент бу давлатлар билан ҳамкорлик бўйича имкониятлар кўплиги, лекин ҳозирги натижалар етарли даражада эмаслигини таъкидлади. “Йўл хариталари” ижроси оқсаётгани, иш тизимли олиб борилмаётганини жиддий танқид қилди.

Эслатиб ўтамиз, аввалроқ Ўзбекистон ва Хитой ТИВ раҳбарлари Абдулазиз Камилов ва Ван И бўлажак олий даражадаги тадбирларни муҳокама қилгани хабар қилинган эди.

Янгиликлар лентаси
0