Умурзаков Афғонистон президенти билан қўшма лойиҳаларни амалга оширишни муҳокама қилди

© Пресс-служба МИВТСардор Умурзаков обсудил с президентом Афганистана реализацию совместных проектов
Сардор Умурзаков обсудил с президентом Афганистана реализацию совместных проектов   - Sputnik Ўзбекистон
Oбуна бўлиш
Кобул шаҳрида Ўзбекистон инвестициялар ва ташқи савдо вазири Афғонистон президенти Ашраф Ғани билан учрашди.

ТОШКЕНТ, 21 окт — Sputnik. Кобул шаҳрида Ўзбекистон бош вазирининг ўринбосари – инвестициялар ва ташқи савдо вазири Сардор Умурзаковнинг Афғонистон президенти Ашраф Ғани билан учрашуви бўлиб ўтди.

Инвестициялар ва ташқи савдо вазирлиги матбуот хизмати хабарига кўра, учрашув чоғида сиёсий-дипломатик, савдо-иқтисодий, инвестициявий, саноат, минтақавий ва маданий-гуманитар соҳаларида ҳамкорлик қилиш масалаларининг кенг доираси муҳокама қилинди.

Переговоры Президентов Узбекистана и Афганистана в резиденции Куксарой - Sputnik Ўзбекистон
Ўзбекистон Афғонистон бўйича музокаралар босқичларидан бирини ўтказишга тайёр

Томонлар инвестициялар, савдо, энергетика, транспорт ва инфратузилмани ривожлантириш соҳасидаги қўшма лойиҳаларни амалга ошириш орқали Марказий ва Жанубий Осиё минтақаларини ривожлантиришга мўлжалланган амалий ҳамкорликка ўзаро тайёрлигини билдирди.

Ашраф Ғани транспорт йўлакларини ривожлантириш соҳасида истиқболли лойиҳаларни амалга ошириш учун қўшимча молиялаштириш манбаларини жалб этиш мақсадида халқаро молия институтлари, хусусан, АҚШнинг Халқаро тараққиёт молия корпорацияси, Жаҳон банки ва Осиё тараққиёт банки билан ҳамкорликни йўлга қўйиш ташаббусини қўллаб-қувватлади.

Учрашув якунида сиёсий, савдо-иқтисодий, молиявий, энергетика, транспорт-логистика, маданий-гуманитар соҳалардаги ҳамкорликни ривожлантириш бўйича "Йўл харитаси"ни ишлаб чиқиш мақсадида ҳар икки мамлакатнинг тегишли вазирлик ва идоралари ўртасида тўғридан-тўғри ҳамкорликни йўлга қўйиш бўйича ҳам келишувга эришилди.

Янгиликлар лентаси
0