Абдулазиз Камилов Адам Болер бошчилигидаги делегацияни қабул қилди

© Пресс-служба МИД РФ / Медиабанкка ўтишМинистр иностранных дел Узбекистана Абдулазиз Камилов
Министр иностранных дел Узбекистана Абдулазиз Камилов - Sputnik Ўзбекистон
Oбуна бўлиш
Учрашув чоғида кўп қиррали Ўзбекистон-АҚШ муносабатларини янада чуқурлаштириш масалалари муҳокама этилган
ТОШКЕНТ, 9 янв - Sputnik. Ўзбекистон Ташқи ишлар вазири Абдулазиз Камилов Америка Қўшма Штатлари Халқаро тараққиётни молиялаштириш корпорацияси бош ижрочи директори Адам Болер бошчилигидаги делегацияни қабул қилди.
Празднование Намаз хайит в Ташкенте - Sputnik Ўзбекистон
АҚШ Ўзбекистонни диний эркинлик масаласида бошқаларга ўрнак бўлишга чақирмоқда
Делегация таркибидан АҚШ Халқаро Тараққиёт Агентлиги (USAID) администратори ёрдамчиси вазифасини бажарувчи Хавер Педра, Давлат департаментининг глобал аёллар муаммолари бўйича идораси раҳбари, алоҳида топшириқлар бўйича элчи Келли Кюрри ҳам ўрин олган.
Учрашув чоғида кўп қиррали Ўзбекистон-АҚШ муносабатларини янада чуқурлаштириш, Марказий Осиёдаги минтақавий интеграцияни мустаҳкамлашда ҳамкорлик қилиш, Марказий ва Жанубий Осиё давлатлари ўртасидаги ўзаро боғлиқликни фаоллаштириш масалалари муҳокама қилинган.
Томонларнинг Стратегик шериклик мулоқотини йўлга қўйиш тўғрисидаги қарори мамнуният билан қайд этилиб, бу Ўзбекистон ва АҚШ ўртасида барча йўналишлардаги узоқ муддатли ҳамкорликни ривожлантиришга замин яратиши таъкидланди.
Заведующий отделом Средней Азии и Казахстана Института стран СНГ Андрей Грозин - Sputnik Ўзбекистон
АҚШ маъмурияти ислоҳотлар фонида Ўзбекистонга хушомадгўйлик қилмоқда
Томонлар иқтисодий тараққиёт, қишлоқ хўжалиги ва соғлиқни сақлаш тизимини модернизация қилиш каби устувор соҳаларида биргаликда ишлашга тайёрлик билдирган.
Америка томони Ўзбекистоннинг гендер тенглик таъминлаш, мамлакатнинг сиёсий, иқтисодий ва ижтимоий ҳаётида аёлларнинг роли ва мавқеини мустаҳкамлаш борасида эришган ютуқларини юқори баҳолаган.
Иқтисодий алоқалар ва савдони рағбатлантиришга йўналтирилган минтақалараро инвестиция ва инфратузилма лойиҳаларини барпо этишнинг амалий жиҳатларига алоҳида эътибор қаратилган.
Учрашувда икки томон кун тартибининг бошқа масалалари юзасидан ҳам фикр алмашилган.
Музокараларда АҚШ Элчиси Дениэл Розенблюм иштирок этди.
Янгиликлар лентаси
0