Тошкентда сайлов куни такси бепул хизмат кўрсатади

© Sputnik / Артем Житенев / Медиабанкка ўтишТакси
Такси - Sputnik Ўзбекистон
Oбуна бўлиш
Бепул такси хизматидан фойдаланиш учун Telegramдаги бот ёрдамида ёхуд махсус телефон рақами орқали ариза қолдириш талаб этилади, холос

ТОШКЕНТ, 2 дек — Sputnik. Тошкент шаҳридаги транспорт компанияларидан бири сайлов кунида тошкентликларни сайлов участкаларига бепул олиб боришини маълум қилди, деб хабар қилмоқда Спутник мухбири.

Андижон - Sputnik Ўзбекистон
Сайлов куни Андижонда жамоат транспортидан фойдаланиш бепул бўлади
Easy Taxi компанияси такси хизматидан фойдаланиш учун Telegramдаги telegram.me/EasyTaxiUz_bot боти орқали ёки 150 77 66 телефон рақами орқали ариза қолдириш керак, холос.

"4 декабр — Ўзбекистон президенти сайлови куни! Easy Taxi компанияси Ватанимизнинг келажаги, унинг гуллаб-яшнаши ва ҳар томонлама равнақ топишига ишонади. Ҳар биримизнинг овозимиз бунда жуда муҳим! Давлатимиз учун ўта муҳим бўлган воқеадан четда қолмасликка чақирамиз. Ва барча фуқароларимизни сайлов участкаларига қадар бепул олиб боришни ўз зиммамизга оламиз. Ушбу акция фақат Тошкент шаҳрида амал қилади", — дейилган компания хабарида.

Эслатиб ўтамиз, илгарироқ Тошкент шаҳар ҳокимлиги 4-декабр куни Тошкент шаҳридаги барча йўналишлар бўйича қатновчи автобуслар ҳамда метро қатнови соат 05:00 дан бошланиши ва кун давомида йўловчиларга бепул хизмат кўрсатишини эълон қилган эди.

Янгиликлар лентаси
0