Муқимий ва Бунёдкор чорраҳаси Наврўз арафасида очилиши эълон қилинди

© ДаракчиМуқимий-Бунёдкор кўчалари кесишмаси
Муқимий-Бунёдкор кўчалари кесишмаси - Sputnik Ўзбекистон
Oбуна бўлиш
Пойтахт ҳукумати "Новза" метроси ёнида жойлашган чорраҳанинг транспорт ҳаракати учун очилишини яна орқага кўчирди

ТОШКЕНТ, 12 мар — Sputnik. Муқимий ва Бунёдкор чорраҳаси очилиши Наврўз арафаси кунларига кўчирилди, деб хабар қилди "Тошшаҳартрансхизмат" компанияси матбуот-хизмати.

Тошкент кўчаларида тирбанд - Sputnik Ўзбекистон
Қатортол ва Муқимий кўчалари чорраҳасида светофор ўрнатилмоқда
Илгарироқ Муқимий ва Бунёдкор кўчалари кесишмаси 23 февралга қадар ёпилгани эълон қилинган эди. Аммо сал ўтмай компания матбуот-хизмати 11 феврал куни ёпилган чорраҳанинг транспорт ҳаракати учун очилиши 2017 йил 10 мартга кўчирилди, дея хабар тарқатган эди.

"Маълум ишларнинг давом этаётганлиги, ҳамда хавсизликни таъминлаш мақсадида, чорраҳанинг транспорт ҳаракати учун очилиши "Наврўз" байрами арафаси кунларига қўчирилди. Тирбандликни келтириб чиқармаслик мақсадида, қурилиш вақтида бошқа кўчалардан фойдаланишни сўраймиз. Юзага келтирилган ноқулайликлар учун узр сўраймиз", — дейилган айни вақтда берилган хабарда.

Бунёдкор ва Муқимий кўчалари кесишувида, метронинг "Новза" бекати яқинида узунлиги 600 метрга тенг бўлган, олти қатор йўл тушадиган янги кўприк қурилиши 2016 йилнинг 16 сентябридан бошланган эди.

Йўл ўтказгич Наврўз байрами (21 март)да фойдаланишга топширилиши кутилмоқда.

Янгиликлар лентаси
0