Олма-Ота-Тошкент тезюрар поезди йўлга тушди

© temirzholy.kzПоезд, состоящий из вагонов "Тұлпар-Тальго"
Поезд, состоящий из вагонов Тұлпар-Тальго - Sputnik Ўзбекистон
Oбуна бўлиш
Олма-Ота-Тошкент поездида йўл кира ҳақи люкс - 13036 тенге, бизнес- 11077 тенге, купе - 9342 тенге ва ўриндиқли жойлар - 4228 тенгени ташкил этади

ТОШКЕНТ, 22 мар — Sputnik. Олма-Ота-2 темир йўл вокзалидан Олма-Ота-Тошкент тезюрар поездининг илк рейси йўлга чиқди, деб хабар бермоқда Sputnik Қозоғистон.

Поезд Ўзбекистон президенти Шавкат Мирзиёевнинг Қозоғистонга ташрифи арафасида тантанали равишда йўлга тушди.

Ушбу воқеага бағишланган маросимда "Казахстан темир жолы" (КТЖ) АЖ раҳбарияти, Олма-Ота ҳокимлиги, темир йўл соҳаси фахрийлари иштирок этдилар. КТЖ вице-президенти Эрик Имашев тантанали нутқида Ўзбекистон ва Қозоғистон халқлари фаровонлигига хизмат қилувчи икки томонлама ҳамкорликни мустаҳкамлаш бўйича мамлакатлар раҳбарларининг келишувини амалга ошириш муҳимлигини таъкидлади.

Тұлпар-Тальго вагонларидан иборат поезд - Sputnik Ўзбекистон
Олма-Ота ва Тошкент ўртасида МДҲда ягона тезюрар поезд қатнайди

"Поезд Қозоғистонда ишлаб чиқарилган "Тұлпор-Тальго" вагонларидан ташкил топгани ёқимли ҳолат. Йўловчилар учун барча шароитлар яратилган. Бунга сафар давомида ўзлари гувоҳ бўлишади", — деди Эрик Имашев.

Олма-Ота-Тошкент поездида йўл кира ҳақи люкс — 13036 тенге, бизнес- 11077 тенге, купе — 9342 тенге ва ўриндиқли жойлар — 4228 тенгени ташкил этади.

Поезд Олма-Отадан душанба ва шанба кунлари, Тошкентдан сешанба ва якшанба кунлари отланади. Манзилга 16 ярим соатда етиб боради. Поезд йўл давомида Отар, Чу, Тараз, Чимкент, Сариоғоч станцияларида тўхтаб ўтади.

Остона ва Тошкент имконияти чекланган ва уларга ҳамроҳ йўловчилар учун 70% миқдорида чегирма бериш тўғрисида келишиб олишди.

Янгиликлар лентаси
0