Эксклюзив: Илҳом Жабборов "Мотамсаро она" тимсолида кимни тасвирлаган эди?

© Nicola e PinaМотамсаро она ҳайкали, Тошкент
Мотамсаро она ҳайкали, Тошкент - Sputnik Ўзбекистон
Oбуна бўлиш
"Президент "Мотамсаро она" ҳайкали пойига гулчамбар қўйди" ёки ҳайкал пойига гулчамбар қўйиш маросими бўлиб ўтди, деган хабарларга бот-бот кўзингиз тушади. Интернет саҳифаларида "Мангу мотам тутишга маҳкум она - "Мотамсаро она" деган фикрлар ҳам учраб қолади. Аслида, бу Она - ким?

ТОШКЕНТ, 9 май — Sputnik. Мотамсаро она ҳайкали тимсолини ҳайкалтарош кимдан намуна олиб яратган экан, деган масала сизни ҳеч қийнаганми? Мен бу борада ўзимга жуда кўп савол берганман.

"Ўзбек онаси тимсолини яратган Илҳом Жабборов кимдан намуна кўчирган эди? Образни яратаётган ижодкор ўз олдига қандай мақсад қўйган эди?" каби саволларни…

Памятник семье Шамахмудовых - Sputnik Ўзбекистон
Шомаҳмудовлар оиласидан кимлар ҳаёт? Машҳур хонадондан репортаж
Олдиндан айтиб қўйишим керак, куни кеча, "Шомаҳмудовлар оиласидан кимлар ҳаёт" материалини тайёрлаш чоғида, журналист Фозил Фарҳоддан эшитган навбатдаги ҳикоя туфайли мен бугун сизларга Илҳом Жабборов билан бўлган қисқа суҳбатни ҳавола этяпман.

"Яқинда "Таҳлилнома"да бир лавҳа тайёрладик — урушга кетиб, Германияда қолиб кетган Усмонжон Содиқов ҳақида, — деб қолди суҳбатимиз давомида Фозил. — Шарҳ тайёрлаш учун Усмонжон аканинг жиянларининг уйига бордик. Аёл бувиси Усмон акани бир умр кутганини айтди. Ўғлим келади, деб ҳатто қорахат келганига қарамай, аёл кутишдан тўхтамаган экан…". Фозил Усмон аканинг оналари расми борлигини, расмда муштипар она худди "Мотамсаро она"дек, қўлларини тиззасига қўйиб, кутиб ўтиргани акс эттирилганини қўшимча қилди.

…Илҳом Жабборовга қўнғироқ қилиб тушиш осон иш эмас, деб огоҳлантиришганларига қарамай, ҳайкалтарош рақамини тердим. Гўшакни Илҳом Жабборовнинг ўзлари кўтардилар.

Салом-аликдан сўнг: "Айтингчи, "Мотамсаро она" ҳайкалини кимдан намуна олиб ясагансиз? Ёки бу образни яратиш чоғида оналар ҳақида материалларни ўргангандирсиз?", — дея савол бердим.

Ўзбекистоннинг Биринчи президенти Ислом Каримов - Sputnik Ўзбекистон
Ислом Каримовга ҳайкал ясаш танловида Илҳом Жабборов ғолиб бўлди
Ҳайкалтарош жавоб аввалида она тўғрисида материал ўрганишнинг кераги йўқлигини, она тимсолининг ўзи тайёр материал эканини таъкидладилар.

Сўнг, "Мен ўзимнинг онамдан намуна олганман, бошқача бўлиши мумкин ҳам эмасди… Онам менга ўхшаган фарзанддан ўнтасини дунёга келтирган. Ҳаммамизни урушдан олдинги қийинчилик пайтларида оёққа турғазган. Тўнғич фарзандини 16-17 ёшида урушга олиб кетишган. У бедарак кетган. Шунақа…", — дея ҳикоя қилди ҳайкалтарош.

Ва она тўғрисида ёзиш осон иш эмаслигини қўшимча қилдилар.

"Кўп нарсалар чиққан бўлса керагу, лекин она тўғрисида ёзиш жуда қийин…", деб, кутилмаганда мендан фарзандим бор-йўқлиги ҳақида сўрадилар.

Икки фарзанднинг онаси эканлигимни айтдим.

Уруш фахрийлари - Sputnik Ўзбекистон
Бу йилги 9 Май - аввалгиларига ўхшамас
"Ана, эрталабдан кечгача, "Қаерда экан? Нима қилди экан?", деб, ҳатто ҳозирги тинчлик замонида ҳам кутиб ўтирасиз, юрагингизни чангаллаб, тўғрими?", савол берди менга Илҳом ака.

Албатта, шундай. (Оналар мени тушунади.)

"Бу она — фақат урушдаги фарзандини кутган онамас, бу она — умумий ОНА образининг йиғиндиси. Ҳаёт давом этяптики — она ўз фарзандини кутган. Кўчада ўйнаб юрган бўлса ҳам кутиб ўтирган, ёки ишга кетса ҳам кутган. Фарзанди армияга кетса ҳам кутган, институтга кетса ҳам кутиб ўтирган. Она фақат кутади! Масалан, мени 50 ёшимда ҳам "Илҳом қаерда экан? Нима бўлди экан", деб кутиб ўтирарди. Ўша образ бу", — деб суҳбатга якун ясади Илҳом Жабборов.

…Уруш даврида ўз фарзандларига ҳам она, ҳам ота бўлган — Она тимсолини яратиш ҳам осон кечмаганига ишончим комил.

"Миллат келажаги оналар қўлида", деган гап бежизга айтилмаган. Бугунги ютуқларимиз учун ожизалигига қарамай, ўзини фидо қилишдан қўрқмаган, муштипар ОНАларимиз олдида ҳам бош эгамиз.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0