Ўзбекистон телерадиокомпанияси мухлислар таклифини кутмоқда

© Sputnik / СтрингерВид на телебашню в Ташкенте
Вид на телебашню в Ташкенте - Sputnik Ўзбекистон
Oбуна бўлиш
Миллий телерадиокомпания ўз фаолиятини такомиллаштириш учун, унга бефарқ бўлмаган мухлисларни муҳокамага таклиф қилди.

ТОШКЕНТ, 15 май – Sputnik. Миллий телерадиокомпанияси фаолиятини такомиллаштириш учун Ўзбекистон президенти қарорига биноан махсус комиссия ташкил қилинди.

Муҳаммад Исмоил, шоир - Sputnik Ўзбекистон
Ўзбек телевидениесини чала ўлик ҳолатга келтирган ким? - Муҳаммад Исмоил мулоҳазалари
Комиссиянинг асосий вазифаси сифатида соҳада мавжуд бўлган камчиликларни ҳамда хорижий телеканаллар тажрибасини яқиндан ўрганиб чиқиш ва телерадиоузатиш тизимининг самарадорлигини тубдан ошириш белгиланган.

Ушбу комиссия томонидан Ўзбекистон Миллий телерадиокомпанияси мухлислари орасида фаолиятини такомиллаштириш бўйича қуйидаги манзилда оммавий сўров ўтказилмоқда. 

У ерда соҳага бефарқ бўлмаган фуқаролар Миллий телерадиокомпания фаолиятини такомиллаштириш бўйича ўз таклифларини киритишлари мумкин. Ҳар бир таклиф махсус комиссия томонидан ўрганиб чиқилиши хабар берилган. 

Бошловчи - Sputnik Ўзбекистон
Теле-журналистика камчилиги ҳақида бир чимдим
Айни дамда Миллий телерадиокомпания фаолиятини такомиллаштириш учун концепцияни ишлаб чиқиш бўйича кенг қамровли иш олиб борилмоқда. Бу ҳақда жорий йил 10 май куни президент матбуот хизмати котиби Асад Хожаев томонидан ОАВ вакиллари ўтказилган билан учрашувда хабар берган эди.

Эслатиб ўтамиз, 30 март куни Ўзбекистон президенти Шавкат Мирзиёев видео мулоқоти чоғида Миллий телерадокомпанияси фаолиятига "Ахборот" ва "Давр" информацион дастурларидан келиб чиқиб айтган танқидий фикрлар билдирган эди.

Ўшанда Шавкат Мирзиёев бу соҳада аҳвол ҳалигача "эски ҳаммом, эски тос"лигича қолаётганини, "Ура-ура"чилик замони ўтгани, телевизорда танқидий ва таҳлилий материаллар бериш, "Ахборот" кўрсатувини ўзгартириш кераклигини таъкидлаган эди.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

Янгиликлар лентаси
0