ТОШКЕНТ, 15 июн — Sputnik. Келаётган дам олиш кунларида Ўзбекистонда ҳаво ҳарорати кўтарилиши кутилмоқда. Гидрометеорология хизматининг билдиришича, айрим ҳудудларда ҳаво ҳарорати кундузи 42 даражагача кўтарилади.
Қорақалпоғистон ва Хоразмда 17-20 июнь кунлари ҳарорат кечаси 20-25, кундузи 33-38 даража иссиқ бўлади.
Бухоро ва Навоий вилоятларида ҳарорат кечаси 22-27 даража, кундузи эса 35-40 даража бўлиши кутилмоқда. 17 июнь куни айрим жойларда ҳарорат 42 даражагача кўтарилади.
Тошкент, Жиззах, Самарқанд ва Сирдарё вилоятларида ҳам ҳаво иссиқ бўлади. Ҳарорат кечаси 20-25, кундузи 35-40 даражани ташкил этади.
Қашқадарё ва Сурхондарё вилоятларида ҳарорат кечаси 22-27, кундузи 35-40 даража бўлади, айрим жойларда 42 даражагача кўтарилади.
Андижон, Наманган ва Фарғона вилоятларида кечаси 20-25, кундузи 35-40 даража иссиқ бўлади.
Республиканинг тоғли ҳудудларида қисқа муддатли ёмғир ёғиши мумкин. Ҳарорат кечаси 12-17, кундузи 25-30 даражани ташкил этади.
