ТОШКЕНТ, 6 июл — Sputnik. 2017 йил 7 июл куни Олий мажлис Сенати раҳбарияти ва сенаторлар ярим йиллик фаолияти бўйича жонли эфирда халққа ҳисобот берадилар. Бу ҳақда Facebookда Халқаро Пресс клуб раиси Шерзод Қудратхожаев ўз саҳифасида изоҳ қолдирди.
Раҳбар ва мансабдорлар фаолияти ҳисобот бериш тизими орқали баҳоланиши Ўзбекистон президенти Шавкат Мирзиёев томонидан белгиланган эди.
Жумладан, Ўзбекистон прeзидeнти Ўзбекистон Кoнституция қaбул қилингaнининг 24 йиллигигa бaғишлaнгaн тaнтaнaли мaрoсимдaги мaърузaсида келаси йилдан бошлаб барча раҳбарлар халқ олдида ҳисобот беришларини маълум қилган эди.
"Ҳаммамизни тарбиялаган, вояга етказган — шу халқ. Барчамизга туз-насиба берган ҳам — шу халқ. Бизга ишонч билдирган, раҳбар қилиб сайлаган ҳам айнан шу халқ. Шундай экан, биз биринчи навбатда ким билан мулоқот қилишимиз керак", — деб таъкидлаган эди президент.
