Ўзбекистон почтаси мутахассислари Жанубий Кореяда малака оширишди

© pochta.uzДелегация АО "Узбекистон почтаси" в Южной Корее
Делегация АО Узбекистон почтаси в Южной Корее - Sputnik Ўзбекистон
Oбуна бўлиш
Ўзбекистон почта соҳаси мутахассислари аҳолига кўрсатилаётган почта хизматларининг илғор услублари ва ушбу жараёнда замонавий АКТдан фойдаланилиши ҳақида батафсил маълумотга эга бўлдилар

TOШКЕНТ, 6 июл — Sputnik.Ўзбекистон почта инфратузилмасини кореялик ҳамкорлар ёрдамида модернизация қилиш режалаштирилмоқда, деб хабар берди "Ўзбекистон почтаси" АЖ матбуот хизмати.

Корея почтаси президенти билан бўлиб ўтган суҳбат чоғида икки давлат почта маъмуриятлари ҳамкорлиги истиқболлари борасида фикр алмашилди. Корейс томони ўзаро ҳамкорликни мустаҳкамлашда, тажриба алмашинуви ва "Ўзбекистон почтаси" мутахассислари малакасини оширишда ҳозирлигини изҳор этди. Ушбу масалалар сафар давомида имзоланган Меморандумда ўз аксини топди.

Кореяликлар Ўзбекистон почтасини замонавийлаштиради

Тренинг-курсларда қатнашган Ўзбекистон почта соҳаси мутахассислари аҳолига кўрсатилаётган почта хизматларининг илғор услублари ва ушбу жараёнда замонавий АКТдан фойдаланилиши ҳақида батафсил маълумотга эга бўлдилар.

Сеул шаҳрининг Марказий почта бўлими, Дейжон почта маркази ва Инчеон халқаро логистика марказига уюштирилган сафарда делегация аъзолари мазкур почта объектларининг почтани қабул қилиш, уни саралаш ва ички ҳамда чет эллардаги мижозларга етказиб бериш жараёнлари билан танишдилар.

Корейс мутахассисларининг фикрича, Корея почтаси фаолиятининг деярли барча йўналишларида қўлга киритилган ютуқлар боиси АКТни почта соҳасига ўз вақтида ва кенг жорий этилишидир.

Янгиликлар лентаси
0