ТОШКЕНТ, 9 август — Sputnik. Facebookдаги Samarkand Auto Club гуруҳида Самарқанд шаҳрида турли рангдаги шарлар билан безатилган трамвай тасвирга олинган лавҳа жойлаштирилди.
Видеолавҳада трамвайда ёш йигит ва қиздан бошқа ҳеч ким йўқлигини кўриш мумкин.
Гуруҳ аъзоларидан бири "энди севишганлар дабдабали тўйлар ва узун кортежлар ўрнига жамоат транспортини ижарага олишади" дея ҳазиломуз изоҳ қолдирган.
Видеолавҳани гуруҳда жойлаштирган фойдаланувчи эса "Ҳа, мана сенга романтика", — деб изоҳлаган.
Интернет фойланувчилари ёшларнинг бундай антиқа танловини қўллаб-қувватлашган.
