15:56 15 Октябр 2019
Эфир
  • RUB147.25
  • EUR10438.58
  • USD9455.24
Учитель распаковывает прибор в одном из классов школы

Халқ таълими вазирлиги мактабдаги пул йиғишларга қарши кураш олиб бормоқда

© Sputnik / Александр Кряжев
Жамият
Ҳавола олиш
648 0 0

Халқ таълими вазирлиги Умумтаълим муассасалар фаолиятини ташкил этиш бош бошқармаси бошлиғи Дилшод Кенжаев сўзларига кўра, ота-оналарнинг мактаб ва синф жамғармаларига пул топширишлари мажбур эмас

ТОШКЕНТ, 23 авг — Sputnik. Халқ таълими вазирлиги ота-оналар, ўқитувчилар ва мактаб маъмуриятини мактабларда пул йиғишларга қарши кураш олиб боришга чақирди, деб хабар қилди Sputnik Ўзбекистон мухбири.

Халқ таълими вазирлиги Умумтаълим муассасалар фаолиятини ташкил этиш бош бошқармаси бошлиғи Дилшод Кенжаев сўзларига кўра, ота-оналарнинг мактаб ва синф жамғармаларига пул топширишлари мажбур эмас.

"Бунга нафақат ўқитувчи ёки мактаб директори айбдор. Вазирлик ходими сифатида эмас, оддий ота сифатида айтаманки, бугунги кунда мактабларда ота-оналар кенгашлари фаолият кўрсатмоқда. Кенгашлар керак бўлган ва керак бўлмаган нарсаларни харид қилишади. Одамлар буни мактаб директори ёки ўқитувчи қилмоқда деб ўйлайдилар. Аммо пуллар асосан ота-оналар кенгашлари томонидан йиғилади", — деди Кенжаев.

Унинг сўзларига кўра, Халқ таълими вазирлигида синфларда нималар бўлиши кераклиги ҳақида аниқ давлат стандартлари мавжуд. Агарда ота-оналар ортиқча нарсаларни истаб қолишса, улар бунга пул йиғишади.

Вазирлик бундай ёндашувга мутлақо қарши, лекин буларга чеклов қўйишга ҳар доим ҳам кучи етмаяпти. Кенжаев бу масалада вазирликка жамият ва ота-оналар ёрдам бериши керак деган фикрни билдирди.

"Бугун болага нима керак? Ўқувчиларга ёруғ ва шинам бўлган синф, доска зарур. Бошқа ҳеч қандай ортиқчаликларсиз. Биз болаларга уйдагидек бўлган шароитларни яратишимиз керак эмас. Биз мактабларда ижтимоий тенгликни таъминлашимиз шартдир. Буни ота-оналар тушунишини истаймиз", — деди Кенжаев.

Асосий мавзулар