ТОШКЕНТ, 25 окт – Sputnik. Ишчи мигрантларга ҳуқуқий ёрдам кўрсатиш ассоциациясининг (Россия) Ўзбекистондаги ваколатхонаси давлат рўйхатидан ўтказилди. Бу ҳақда Адлия вазирлиги матбуот хизмати хабар қилди.
Хабарда билдирилишича, ваколатхонанинг асосий мақсад ва вазифалари Россия Федерацияси ва Ўзбекистон Республикаси ўртасида меҳнат миграцияси соҳасида ўзаро алоқа ва ҳамкорликни амалга ошириш, Ўзбекистон Республикасининг миграция муаммоларини ҳал этишдаги тажрибасини ўрганиш ҳисобланади.
Ваколатхона Тошкент шаҳри, Миробод тумани, Ойбек кўчаси, 50/59 "А"-уйда жойлашган.
