06:03 22 Сентябр 2018
Эфир
  • RUB118.05
  • EUR9347.75
  • USD8039.00
Инспектор Гаи остановил для проверки автомобиль

Тошкентда сохта ЙҲХБ ходими қўлга олинди

Sputnik
Жамият
Ҳавола олиш
118040

Ўзбекистон қонунларига кўра давлат хизматчиларининг формали кийим-бошини қонунга хилоф равишда кийиб юриш учун энг кам ойлик иш ҳақининг беш бараваригача жарима белгиланган.

ТОШКЕНТ, 21 янв – Sputnik. Шанба 20 январь куни соат 14:30 ларда “Сергели” ЙПХ масканида хизмат олиб бораётган ЙҲХБ ходимларига, фуқаро мурожаат қилиб, Бинокор кўчасидаги автомобиль йўлида автомашина хайдовчиларини тўхтатиб, уларнинг ҳужжатларини текшираётган ЙҲХБ ходими унда шубҳа уйғотганлигини маълум қилган.

Лже инспектор СБДД в Ташкенте
Сохта ЙҲХБ инспектори

Ушбу хабарга асосланиб, Тошкент шаҳар ИИББ ходимлари юқорида кўрсатиб ўтилган жойга борган вақтларида, ҳақиқатдан ҳам фуқаро Рузматов Азизбек Аширалиевич, ички ишлар органи ходимларининг хизмат кийимида, гўёки ЙҲХБ ходими сифатида автоуловларни тўхтатиш билан шуғулланаётганлиги аниқланган.

А.А.Рузматов текширилган вақтда, у аслида ЙҲХБ ходими эмаслиги маълум бўлган ва ундан жезл, радиоалоқа воситаси, хуштак, ЙҲХБ ходимининг қалбаки кўкрак нишони ва қалбаки маъмурий ҳуқуқбузарлик баённомалари борлиги аниқланган.

Лже инспектор СБДД в Ташкенте
Сохта инспекторнинг "жиноят қуроллари"

Мазкур ҳолат юзасидан А.А.Рузматовга нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилган.

Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.

Эслатиб ўтамиз, ушбу йилнинг бошида Ўзбекистон Маъмурий жавобгарлик кодекси 209−1-модда билан тўлдирилган эди. Унга кўра давлат хизматчиларининг формали кийим-бошини қонунга хилоф равишда кийиб юриш учун энг кам ойлик иш ҳақининг беш бараваригача жарима белгиланган эди.

Асосий мавзулар