Ўзбекистон президенти аёллар тўғрисидаги Фармонга имзо чекди

© Facebook / Шавкат Мирзиёев - Shavkat MirziyoyevШавкат Мирзиёев встретился с жителями Джизакской области
Шавкат Мирзиёев встретился с жителями Джизакской области - Sputnik Ўзбекистон
Oбуна бўлиш
Жамият ва давлат ҳаётида фаоллик ва ташаббускорлик кўрсатган, ўзининг самарали меҳнати билан оиланинг шаклланиши ва фаровонлиги мустаҳкамланишига, оналик ва болалик муҳофазасига муносиб ҳисса қўшган хотин-қизларга бериладиган "Мўътабар аёл" кўкрак нишони таъсис этилди

ТОШКЕНТ, 3 фев — Sputnik. Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятни тубдан такомиллаштириш чора-тадбирлари тўғрисида Президент Фармони эълон қилинди, деб хабар қилди "Тараққиёт стратегияси" маркази.

Танзила Нарбаева – заместитель премьер-министра Республики Узбекистан - Sputnik Ўзбекистон
Мирзиёев Хотин-қизлар қўмитаси раиси Норбоевани қаттиқ танқид қилди
Фармон билан хотин-қизларни қўллаб-қувватлаш ва оила институтини мустаҳкамлаш соҳасидаги фаолиятни тубдан такомиллаштириш мақсадида бир қатор тадбирлар белгиланди.

Хотин-қизлар қўмитаси раиси ва унинг ҳудудий бўлинмалари раҳбарлари энг авввало:

— оғир ҳаётий вазиятга тушиб қолган хотин-қизларни, шу жумладан, ногиронлиги бўлган аёлларни ўз вақтида аниқлаш, улар билан якка тартибда ҳамда аниқ мақсадга йўналтирилган ишларни олиб бориш, уларни манзилли қўллаб-қувватлаш;

— хотин-қизларнинг бандлигини таъминлаш, улар ўртасида оилавий ва хусусий тадбиркорликни, ҳунармандчиликни ривожлантириш бўйича амалий чораларни амалга ошириш;

— хотин-қизлар ўртасида ҳуқуқбузарликлар ва жиноятчилик профилактикасини самарали ташкил этиш, шу жумладан, уларнинг ҳуқуқий маданиятини ошириш ва маънавий-ахлоқий қадриятларни мустаҳкамлашга шахсан жавобгардир.

Сотрудник закрывает дверь следственного изолятора - Sputnik Ўзбекистон
Хотин-қизлар қўмитаси аралашуви туфайли самарқандлик аёл суд залида озодликка чиқарилди
Хотин-қизлар қўмитаси ва "Оила" маркази вакилларини уларнинг вазифалари ва фаолият йўналишлари билан боғлиқ бўлмаган йиғилишларга ва бошқа тадбирларга жалб этиш таъқиқланди.

Хотин-қизлар қўмитаси қошидаги Республика "Оила" илмий-амалий маркази негизида ташкил этилиб унинг асосий вазифалари энг аввало, "Соғлом оила — соғлом жамият" концептуал ғоясини ҳаётга татбиқ этишдир.

Хотин-қизлар қўмитаси марказий аппарати ходимларига нисбатан ҳар ойлик устамалар белгиланиб, хотин-қизларни ва оилани қўллаб-қувватлаш жамоат фонди ташкил этилмоқда.

2018 йил 1 мартдан бошлаб Хотин-қизлар қўмитаси, Республика "Оила" маркази ва уларнинг ҳудудий бўлинмалари бошқарув аппарати ходимлари таркибига кирувчи пенсионерларга, уларнинг бу ташкилотлардаги фаолияти ягона бўлган тақдирда, пенсиялари тўлиқ тўланади.

Жамият ва давлат ҳаётида фаоллик ва ташаббускорлик кўрсатган, ўзининг самарали меҳнати билан оиланинг шаклланиши ва фаровонлиги мустаҳкамланишига, оналик ва болалик муҳофазасига муносиб ҳисса қўшган хотин-қизларга бериладиган "Мўътабар аёл" кўкрак нишони таъсис этилди.

Янгиликлар лентаси
0