Ҳайдовчилик гувоҳномаларини алмаштириш қайта бошланди

© Lex.uzВодительское удостоверение - ID-карта
Водительское удостоверение - ID-карта - Sputnik Ўзбекистон
Oбуна бўлиш
Янги ҳайдовчилик гувоҳномаси олиш учун паспорт, ҳайдовчилик гувоҳномаси, экзамен варақаси ва 121 минг сўм пул керак бўлган холос.

ТОШКЕНТ, 18 фев — Sputnik. Янги кўринишдаги ҳайдовчилик гувоҳномаларини бериш тизими яна ишга тушди, деб хабар қилмоқда “Водители Ташкента” гуруҳи аъзолари.

Водительское удостоверение Узбекистана - Sputnik Ўзбекистон
ИИББ ҳайдовчилик гувоҳномаларини бериш тўхтатиб қўйилгани сабабини тушунтирди

“Ҳайдовчилик гувоҳномаси олиш жараёни бироз осонлашган. Соат 14:00 да етиб келдим. Ариза ёзишга 2 дақиқа вақт кетди. Ундан сўнг кассага пул тўладим. Бунга  кассада навбат бўлгани туфайли 10  дақиқа вақт кетди. Кейин ҳужжатларни 3 хонага топширдим – 15 дақиқа. Сўнг 5 кабинетда суратга тушдим – яна 10 дақиқа. Ўша ерда барча ҳужжатларни қолдирдим. Кейин кутиб турдим. Умман ҳамма югур-югурга 2 соатдан кам вақт ва 126 минг сўм пул кетди”, — деб ёзиб қолдирган Дильшод Насыров номли фойдаланувчи.

Унинг айтишига кўра, янги кўринишдаги ҳайдовчилик гувоҳномасини олиш учун паспорт, ҳайдовчилик гувоҳномаси, талон ва экзамен варақаси керак бўлган холос. Тўланган пулнинг 121 минг сўми кассага 5 минг сўми ариза тўлдиришга кетган.

“Шундан бошқа ҳеч қандай маълумотнома ёки сизни бир йилдан ортиқ ҳайдовчилик тажрибангиз борлигини тасдиқлайдиган автомобил техпаспорти  керак эмас!”, — деб қатъий маълумот билдирган гуруҳ аъзоси.

Юқорида айтиб ўтилган ҳолат Файзободдаги ЙҲХБда 15 феврал куни бўлиб ўтган. Эслатиб ўтамиз, бир неча кун олдин янги кўринишдаги ҳайдовчилик гувоҳномалари бериш вақтинча тўхтатилганини хабар қилган эдик.

Янгиликлар лентаси
0