ТОШКЕНТ, 22 фев — Sputnik. Россия президенти Владимир Путин пайшанба куни Москвада Ватан ҳимоячиси кунига бағишланган, бир неча хорижий мамлакатлар делегациялари таклиф этилган тантанали кечада иштирок этади, деб хабар қилмоқда Кремль матбуот хизмати.
Давлат раҳбари Ватан ҳимоячиси кунига бағишланган ушбу тантаналарда ҳар йили иштирок этади.
Ўтган йили Путин ўзининг табрик сўзида армия ва флот ривожланишига, Россия ҳарбий шарафини мустаҳкамлашга ҳамда янги авлод аскар, матрос ва зобитларини тарбиялашга катта ҳисса қўшган Қуролли кучлар ветеранларига катта миннатдорлик билдирган эди.
Президент, ўшанда, Сурияда хизмат қилаётган Россия ҳарбийларига ҳам миннатдорлик билдириб террорчиликка қарши курашда уларнинг ҳиссаси улкан эканини қайд этган эди.