Ўзбекистон ва Туркия имтиёзли савдо битимини имзолаш шартларини муҳокама қилди

© Sputnik / Вадим СавицкийВо время подписания документов
Во время подписания документов - Sputnik Ўзбекистон
Oбуна бўлиш
Жорий йилнинг март ойи якунида Туркия Иқтисодиёт вазирлиги делегацияси Ўзбекистонга икки томонлама савдо-иқтисодий ҳамкорликни кенгайтириш истиқболлари юзасидан консультациялар ўтказиш учун ташриф буюриши режалаштирмоқда

ТОШКЕНТ, 16 мар — Sputnik. Истанбулда Ўзбекистон ва Туркия ўртасида имтиёзли савдо битимини имзолаш шартлари муҳокама қилинди. Бу ҳақда Ўзбекистон Ташқи савдо вазирлиги матбуот хизмати хабар берди.

Мигрантлар - Sputnik Ўзбекистон
Туркия Фарғона водийсида касб-ҳунарга ўқитиш марказларини очади

"Агар у имзоланса, ҳар икки давлат бир-бирига янада қулай режим тақдим этиш, хусусан, божхона божларини пасайтириш ва бошқа имтиёзларни тақдим этиш имкониятлари пайдо бўлади", — дейилади хабарда.

Бундан ташқари, учрашув давомида апрел ойида Ўзбекистон ва Туркия ўртасида савдо-иқтисодий ва илмий-техникавий ҳамкорлик бўйича Ҳукуматлараро комиссиясининг навбатдаги мажлисини ўтказиш масалалари кўриб чиқилди.

Хабарда айтилишича, жорий йилнинг март ойи якунида Туркия Иқтисодиёт вазирлиги делегацияси Ўзбекистонга икки томонлама савдо-иқтисодий ҳамкорликни кенгайтириш истиқболлари юзасидан консультациялар ўтказиш учун ташриф буюриши режалаштирмоқда.

Туркия Ўзбекистоннинг муҳим савдо ҳамкорларидан бири ҳисобланади. 2016 йилда ўзаро товар алмашиш ҳажми 29%га ошиб, 1,2 миллиард долларга етган. Мамлакатда Туркиянинг 500га яқин фирма ва компаниялари фаолият кўрсатмоқда.

Янгиликлар лентаси
0