Тожикистон Ўзбекистонга электр энергияси етказиб беришни бошлади

© Sputnik / Сергей Мальгавко / Медиабанкка ўтишЛинии электропередач.
Линии электропередач. - Sputnik Ўзбекистон
Oбуна бўлиш
Жорий йилда Тожикистон Ўзбекистонга 1,5 миллиард кВт/с электр энергия экспорт қилади. Тожикистон электр энергияси ҳар бир киловаттнинг нархи - 2 цент.

ТОШКЕНТ, 3 апр — Sputnik. Тожикистон куни кеча, 2 апрелда 10 йиллик танаффусдан сўнг Регар (Тожикистон) нимстанциясидан Ўзбекистонга электр энергиясини экспорт қилишни бошлади, деб хабар қилди Sputnik Тожикистон Тожикистон телеграф агентлигига таянган ҳолда.

Линии электропередач (ЛЭП) - Sputnik Ўзбекистон
"Ўзбекэнерго" Афғонистон учун янги электр узатиш линияси қуришни бошлади

Ушбу жараён маҳаллий вақт билан соат 17:05 да 220 кВ линияси бўйича бошланди. Хабарларга кўра, бошланғич босқичда суткалик экспорт миқдори 672 минг кВт/с ни ташкил қилади. Кейинчалик экспорт ҳажми кўпайтирилади.

Жорий йилда Тожикистон Ўзбекистонга 1,5 миллиард кВт/с электр энергия экспорт қилиш режалаштирилган. Тожикистон электр энергияси ҳар бир киловаттнинг нархи — 2 цент.

Шунингдек, ҳозирги вақтда Тожикистондан Ўзбекистонга электр энергияни етказиш ҳажмини кўпайтириш мақсадида 220 кВ қувватли иккинчи электр узатиш линияси тайёрланмоқда.

Тожикистонда ҳар бир суткада 37 миллион кВт/с электр энергия ишлаб чиқарилади. Улардан 284 минг кВт/с Афғонистонга экспорт қилинади. Бир кВт/с нархи 4 центдан кўп. Тожикистон шу йилда Афғонистонга электр энергияни экспорт ҳажмини 200 миллион кВт/с га кўпайтириш режалаштирилган.

Янгиликлар лентаси
0