21:38 08 Декабр 2019
Эфир
  • RUB147.79
  • EUR10476.36
  • USD9510.99
Более 50 человек погибли в загоревшемся автобусе в Казахстане

Автобус эгаси қидирувда: 52 нафар ўзбекистонлик ўлими учун ким жавоб беради

Комитет по ЧС МВД Казахстана
Жамият
Ҳавола олиш
Ақтўбе фожиаси: 52 ўзбекистонликнинг автобус ичида ёниб кетиши (51)
72700

Қозоғистон Бош прокуратураси маълумотларига кўра, Ақтўбе вилоятида юз берган, 52 нафар Ўзбекистон фуқаролари қурбон бўлган фожиада, гумонланувчилар ўз айбини тан олишмаяпти

ТОШКЕНТ, 11 апр — Sputnik. Ақтўбе вилоятида ҳалок бўлган 52 нафар ўзбекистонлик ҳолати бўйича жиноий иш деярли ўз якунига етган, бироқ автобус эгаси қидирувда. Бу ҳақда Қозоғистон Бош прокуратураси жамоатчилик манфаатларини ҳимоя қилиш хизмати бошлиғи Азамат Дюсембеков маълум қилди. Sputnik Қозоғистон хабарига асосан.

"Иш деярли якунланди, гумонланувчилар ва уларнинг ҳимоячилари у билан танишмоқда. Улар ўз айбларини тан олмаяптилар. Бироқ транспорт воситасини экслуатация қилиш қоидаларини бузиш оқибатида икки ва ундан ортиқ кишиларни ўлимига олиб келиш ҳолати бўйича айб қўйилмоқда", — деди Дюсембеков.

Эгасига келадиган бўлсак, бу ҳолат бўйича Жиноят кодексининг 348 — моддаси бўйича тергов олиб борилмоқда. Яъни техник носоз бўлган автобусни фойдаланишга чиқариб юбориш ҳолати бўйича автобус эгаларини жавобгарлигини назарда тутади.

"Бироқ ҳозир бу модда бўйича жиноий иш шахсларсиз қўзғатилган. Автобус эгаси Мехтиев қидирувда. Тергов давомида кимни ва қандай жавобгарликка тортиш масаласи ҳал қилинади. Бу ерда эгалар ва мулкдорлар назарда тутилмоқда", — деб таъкидлади ҳимоя хизмати раҳбари.

Тергов департаменти томонидан Ақтўбе вилоятида 52 кишининг ҳалок бўлиши ҳолати юзасидан Қозоғистон ЖКнинг 345-моддаси 4-қисми ва 348-моддаси 4-қисми бўйича жиноий иш қўзғатилган.

Эслатиб ўтамиз, 18 январь куни Чимкент-Самара автотрассасида ичида 57 киши бўлган автобус ёниб кетганди. Ёнғин оқибатида 52 нафар киши ҳалок бўлган, 3 нафар қозоғистонлик ва 2 нафар ўзбекистонлик фуқаро омон қолган.

Мавзу:
Ақтўбе фожиаси: 52 ўзбекистонликнинг автобус ичида ёниб кетиши (51)

Асосий мавзулар