ТОШКЕНТ, 1 авг — Sputnik. Ўзбекистон Бош вазири Абдулла Арипов бугун, 1 август куни ОТМларга кириш имтиҳонлари ўтказилаётган “Ўзэкспомарказ”га ташриф буюрди, деб хабар қилди "UZ24" нашри.
Бош вазир тест синовлари ўтаётган павильонларда бўлиб, кузатув жараёнлари билан танишмоқда.
Абдулла Арипов 2017 йилда ҳам ушбу марказда бўлиб ўтган Тошкент давлат юридик университетига кириш имтиҳонларида бўлган эди.
Эслатиб ўтамиз, бу йил илк марта 1 августдан 15 августга қадар ўтказиладиган Ўзбекистон олий ўқув юртларига кириш имтиҳонини биринчи бор тўғридан-тўғри эфирда кузатиш мумкин.
