ТОШКЕНТ, 8 авг - Sputnik. Ўзбекистонлик артиллериячилар Халқаро армия ўйинларининг "Артиллерия устаси-2018" танловида иккинчи ўринни эгаллашди.
Ўзбекистон жамоаси Беларуссия билан биргаликда иккинчи ўринни, Россия ва Озарбайжон жамоалари учинчи ўринни қўлга киритишди, деб хабар берди Армия ўйинлари матбуот хизмати. Биринчи ўринга Қозоғистон артиллериячилари сазовор бўлишди.
Қайд этилишича, илк бор финалда тўртта ўрнига олтита жамоа қатнашди.
Ўзбекистонлик ҳарбий хизматчилар 28 йўналишда ўтказилаётган Халқаро армия ўйинларининг 12 тасида иштирок этмоқда.
