ТОШКЕНТ, 14 сен – Sputnik. “Тошкент-Нижний Новгород” йўналишида 14 сентябридан бошлаб автобуслар қатнов йўлга қўйилади.
Ушбу йўналишда Ўзбекистон томондан ташувчи “Uzkaz Avto Trans” МЧЖ, Россия томонидан эса “Panyushkin S.Yu.” хизмат кўрсатади.
Йўловчилар “Vanhool” русумли автобусларда манзилга етказилади.
Йўналиш масофаси 3 минг км. Қатновга сарфланадиган умумий вақт 61 соатни ташкил қилади.
Йўналиш “Ғишт кўприк” (Ўзбекистон), “Жибек Жоли” (Қозоғистон), “Сагарчин” (Россия) назорат ўтказиш масканлари орқали амалга оширилади.
