ТОШКЕНТ, 27 сен – Sputnik. Бугун Шавкат Мирзиёев тожикистонлик деҳқонларга Captiva совға қилди, деб хабар қилмоқда президент матбуот хизмати.
Тожикистонда давом этаётган ташриф давоамида Шавкат Мирзиёев ва Эмомали Раҳмон Турсунзода туманидаги “Боғи сомон” деҳқон хўжалигига ташриф буюришди.
Хўжалик раҳбари Камол ҳожи Мадумаров асли олтиариқлик уста деҳқон фарзанди. У ота касбини давом эттириб, қут-барака, элда обрў топган. Бугунги кунда хўжалик узумзори 500 гектарга етган. Ўнга яқин навдаги ширин ва ҳосилдор узумлар довруғи бутун минтақамизга таралган.
Президентимиз узумзор боғ ва маҳсулотлар омборини кўздан кечирди. Шавкат Мирзиёев Камол ота Мадумаровга мамлакатимизда ишлаб чиқарилган Captiva автомашинасини совға қилди.
Давлатимиз раҳбари шу тумандаги «Ватан» деҳқон хўжалигида ҳам бўлиб, унинг раҳбари Неъмат ҳожи Усмоновга яна бир автомашина туҳфа этди.
