10:24 19 Феврал 2019
Эфир
  • RUB126.25
  • EUR9477.31
  • USD8392.20
Самолет Як-130 во время демонстрационного полета

Ўзбекистон Як-130 ўқув самолётларини сотиб олишни режалаштирмоқда

© Sputnik / Рамиль Ситдиков
Жамият
Ҳавола олиш
219 0 0

Як-130 – икки ўринли ўқув-жанговар самолёти бўлиб, у учувчиларни замонавий ўта манёврли самолётларда учиш учун тайёрлашга мўлжалланган.

ТОШКЕНТ, 31 янв – Sputnik. Ўзбекистон Россиядан ЯК-130 ўқув-ҳарбий самолётларини сотиб олишга қизиқиш уйғотмоқда, деб ёзади “Коммерсант” нашри.  

“Як-130 самолётларига Ўзбекистон ҳам қизиқиш уйғотмоқда, лекин ҳозирча музокаралар бошланғич босқичда”, - дейилган хабарда.

Иркутск Авиация заводи сўнгги вақтларда Як-130 ўқув самолётларига кўплаб буюртмалар олмоқда. Хусусан, Бангладеш, Мьянма, Белоруссия ва Лаос ҳам бир неча самолёт сотиб олишган.

Як-130 – икки ўринли ўқув-жанговар самолёти бўлиб, у учувчиларни замонавий ўта манёврли самолётларда учиш учун тайёрлашга мўлжалланган.

Ушбу самолётдан жанговар мақсадларда енгил штурмовик, разведкачи-самолёт, қирувчи ва бомбардимончи самолётсифатида ҳам фойдаланса бўлади. Айрим ОАВларда пайдо бўлган маълумотларга кўра, Як-130 асосида Россияда биринчи оғир жанговар учувчисиз аппарат ҳам яратилиши мумкин.

Эслатиб ўтамиз, бир неча йил олдин Ўзбекистон Жанубий Кореядан Golden Eagle Т-50 ўқув самолётларини харид қилмоқчи бўлганда АҚШ бунга қарши чиққан эди. 

Асосий мавзулар