Ҳарбий спортчилар “Тошкент денгизи”да мастер-класс ўтказишди

© Министерство обороны УзбекистанаСпортсмены международного класса провели мастер-класс для военнослужащих в "Ташкентском море"
Спортсмены международного класса провели мастер-класс для военнослужащих в Ташкентском море - Sputnik Ўзбекистон
Oбуна бўлиш
Курсант ва талабаларга байдарка ва каноэда эшкак эшиш бўйича ҳалқаро тоифадаги спорт усталари томонидан мастер-класс машғулотлари ўтказилди.

ТОШКЕНТ, 16 фев — Sputnik. Тошкент вилояти Туябўғиз сув омборида жойлашган Мудофаа вазирлиги спорт клуби базасида Қуролли Кучлар академияси курсантлари ҳамда Тошкент иқтисодиёт ва бизнес коллежи талабалари учун байдарка ва каноэда эшкак эшиш бўйича ҳалқаро тоифадаги спорт усталари томонидан мастер-класс машғулотлари ўтказилди. Бу ҳақда Мудофаа вазирлиги матбуот хизмати хабар қилди.

Стратегия выживания после аварии в горах - Sputnik Ўзбекистон
Ўзбек ҳарбийлари экстремал шароитларда яшовчанликни ошириш бўйича машғулот ўтказди

Машғулотлар давомида ёшларга байдарка ва каноэда эшкак эшиш усуллари амалда кўрсатиб берилди. Шунингдек, иштирокчиларга сув спортининг турлари, келиб чиқиш тарихи, бугунги истиқболи ҳамда жаҳон аренасида мамлакатимиз ҳарбий байдаркачилари эришган ютуқлари ҳақида ҳам кўплаб қизиқарли маълумотлар айтиб ўтилди.

Айниқса, Жаҳон кубоги совриндори, кўплаб ҳалқаро мусобақалар иштирокчиси, навбатдаги Жаҳон чемпионатига тайёргарлик кўраётган иродали параканоэчи Азизбек Абдуҳабибов билан суҳбат ёшларда алоҳида қизиқиш уйғотди.

Тадбир сўнгида мазкур спорт тури билан шуғулланиш истагидаги ёшлар спорт клуби тўгарагига шу ернинг ўзида аъзо бўлишди.

© Министерство обороны УзбекистанаСпортсмены международного класса провели мастер-класс для военнослужащих в "Ташкентском море"
Ҳарбий спортчилар “Тошкент денгизи”да мастер-класс ўтказишди - Sputnik Ўзбекистон
Спортсмены международного класса провели мастер-класс для военнослужащих в "Ташкентском море"

Маълумот ўрнида, 2018 йил мобайнида спортнинг байдарка ва каноэда эшкак эшиш тури бўйича 35 та ҳалқаро тоифадаги мусобақалар ўтказилган.

Мазкур нуфузли чемпионатда Мудофаа вазирлиги спорт клуби аъзолари томонидан 15 та олтин, 16 та кумуш ҳамда 4 та бронза медаллари қўлга киритилган. Республика миқёсида ўтказилган 103 та спорт мусобақаларида ҳарбий спортчилар 55 маротаба биринчи поғонани банд этган бўлса, 20 маротаба иккинчи ҳамда 28 маротаба учунчи ўринларни эгаллаган.

Янгиликлар лентаси
0