23:41 18 Апрел 2019
Эфир
  • RUB131.53
  • EUR9554.57
  • USD8455.37
Портфель с документами

“Ўзбекэнерго"да ташкил этилган янги тузилмаларга раҳбарлар тайинланди

Sputnik / Алексей Дружинин
Жамият
Ҳавола олиш
209 0 0

Энергетика вазирлиги тузилмасида қатор лавозим тайинловлари амалга оширилди.

ТОШКЕНТ, 12 апр – Sputnik.Ўзбекэнерго" АЖ базасида ташкил этилган учта акциядорлик жамиятига раислар тайинланди.

Эслатиб ўтамиз, 2019 йил 27 мартдаги Ўзбекистон президенти фармонига мувофиқ "Ўзбекэнерго" акциядорлик жамияти негизида учта акциядорлик жамияти – "Иссиқлик электр станциялари", "Ўзбекистон миллий электр тармоқлари" ва "Ҳудудий  электр тармоқлари" ташкил этилди.

Руслан Газизович Мубаракшин "Иссиқлик электр станциялари" акциядорлик жамияти бошқарув раиси этиб тайинланди.

Р. Мубаракшин  1962 йил 19 декабрда Тошкент шаҳрида туғилган. 1991 йилда Тошкент давлат техника университетини тамомлаган. Ўзбекистон Халқ демократик партияси аъзоси. У "Ўзбекэнерго" акциядорлик жамияти бошқаруви раисининг биринчи ўринбосари лавозимига тайинлангунга қадар “Ўзбекэнерго” акциядорлик жамиятининг Тошкент иссиқлик электр станциясининг директори лавозимида ишлаган.

Дадажон Айнакулович Исоқулов "Ўзбекистон электр тармоқлари" акциядорлик жамияти бошқаруви раиси этиб тайинланди.

Д.Исоқулов 1961 йил 20 июлда Тошкент вилоятининг Бўка туманида туғилган. 1985 йилда Тошкент политехника институтини тамомлаган. Меҳнат фаолиятини Тошкент вилоятининг Бўка туманидаги машина трактор парки муҳандиси вазифасидан бошлаб, "Ўздавэнергоназорат" инспекцияси бўлим бошлиғигача бўлган йўлни босиб ўтган. Турли йилларда "Ўзбекэнерго" акциядорлик жамиятининг Марказий магистраль электр тармоқлари - "Ўзэлектросет" унитар корхонаси директори, "Ўзбекэнерго" АЖ раисининг биринчи ўринбосари, "Ўзбекэнерго" АЖнинг Тошкент ҳудудий электр тармоқлари корхонаси бош директори лавозимларида ишлаган.

Улуғбек Мавлонович Мустафоев "Ҳудудий электр тармоқлари"  акциядорлик жамияти бошқаруви раиси этиб тайинланди.

У.Мустафоев 1968 йил 14 августда Жиззах вилоятида туғилган. Тошкент халқ хўжалиги институтини битирган. “Саноатқурилишбанк”нинг Жиззах вилоят филиалида кичик, кейинчалик катта мутахассис сифатида ишлади. Кейинги йилларда Ўзбекистон Республикаси Марказий банкининг операцион бошқаруви катта иқтисодчиси ва пул муомаласи бўлими бошлиғи лавозимларида ишлаган. Кейин 2016 йилгача Ўзбекистон Республикаси Марказий банки раисининг биринчи ўринбосари, 2016 йилда Жиззах вилояти ҳокимининг биринчи ўринбосари, 2017 йилда "Ўзбекэнерго" АЖ бошқаруви  раиси лавозимига тайинланган.

Асосий мавзулар