14:20 19 Май 2019
Эфир
  • RUB129.74
  • EUR9501.05
  • USD8458.16

Шавкат Мирзиёев Тўполанг гидроэлектр станциясини кўздан кечирди

© Пресс-служба президента Узбекистана.
Жамият
Ҳавола олиш
386 0 0

Ўзбекистон президенти Шавкат Мирзиёев Сариосиё туманидаги Тўполанг гидроэлектр станциясини бориб кўрди.

ТОШКЕНТ, 30 апр – Sputnik. Ўзбекистон президенти Шавкат Мирзиёев 30 апрель куни Сариосиё туманидаги Тўполанг гидроэлектр станциясини бориб кўрди. Бу ҳақда президент матбуот хизмати хабар қилди.

Хабарда айтилишича, давлат раҳбарининг 2017 йил 2 майдаги қарори билан 2017-2021 йилларда гидроэнергетикани янада ривожлантириш чора-тадбирлари дастури белгиланди. Ўша йили 18 майдаги фармонга мувофиқ “Ўзбекгидроэнерго” акциядорлик жамияти ташкил этилди.Соҳада ягона техник сиёсатни амалга ошириш, қайта тикланадиган энергия манбаларини ўзлаштириш, мавжуд гидроэлектр станцияларни замонавий технологиялар асосида қайта жиҳозлаш ва янги қувватларни ташкил этишга қаратилган муҳим вазифалар белгилаб берилди. 

Шу асосда Тўполанг гидроэлектр станциясида ҳам модернизация қилинмоқда. Бу ерда ҳар бири 15 мегаватт бўлган иккита агрегат ишлаб турган эди.

© Пресс-служба президента Узбекистана.
Тупалангская гидроэлектростанции

Президент топшириғига мувофиқ, аввалига Тўполанг сув омбори тўғони 20 метрга кўтарилди. Натижада унинг сиғими 380 миллион куб метрдан 500 миллионга етказилди. Айни пайтда жами қуввати 145 мегаваттли яна иккита агрегат ўрнатиш бўйича иш олиб борилмоқда. 

Бундан ташқари, ҳар бири қарийб 38 мегаватт бўлган Зарчоб-1 ва Зарчоб-2 кичик гидроэлектр станциялари ҳам барпо этиляпти. Шу тариқа энергия олиш қуввати жами 250 мегаваттга етказилади.

Тупалангская гидроэлектростанции

“Аҳамиятлиси шундаки, бу ресурслар табиий ва қайта тикланувчандир. Экологияга ҳеч қандай зарар етказмаган ҳолда барқарор энергия ишлаб чиқарилиб, саноат корхоналари, турли идоралар ва аҳолига етказиб берилади”, - дейилган хабарда.

Давлат раҳбари янги тўғон ва гидроэлектр станцияни кўздан кечирди.

“Бу тарихий воқеа. Бу ишлар  келажак учун, болаларимиз учун. Келгусида Сурхондарё гидро энергия ҳисобидан бемалол иқтисодиётини таъминласа бўлади” - деди Шавкат Мирзиёев.

Шу ерда сув омборлари ва гидроэлектр станциялари ҳолатини мониторинг қилишга ихтисослашган техник тизимлар тақдимоти ҳам ўтказилди.

Президент сув омборлари тўғонларини мустаҳкамлаш ва доимий назорат қилиш, хавфсизлигини таъминлаш, илмий ишланмалар асосида улардан фойдаланиш коэффицентини ошириш бўйича кўрсатмалар берди.

Асосий мавзулар