15:09 16 Сентябр 2019
Эфир
  • RUB142.96
  • EUR10360.56
  • USD9395.63
Здание Генеральной прокуратуры Узбекистана

Ўзбекистон Бош прокуратурасида янги бошқарма ва бўлим ташкил этилди

© Sputnik / Рамиз Бахтияров
Жамият
Ҳавола олиш
47110

Ўзбекистон Бош прокуратурасида Айдар-Арнасой кўллар тизимига масъул янги бошқарма ва бўлим ташкил этилди

ТОШКЕНТ, 5 май  — Sputnik. Ўзбекистон Бош прокуратураси тузилмасида Айдар-Арнасой кўллар тизимини ривожлантириш соҳасида қонунчилик устидан назорат бошқармаси ва Бош прокуратура ҳузуридаги Департаментда Айдар-Арнасой кўллар тизими ресурсларидан фойдаланиш соҳасида иқтисодий ҳуқуқбузарликларга қарши курашиш бўлими ташкил этилди. Бу ҳақда Бош прокуратура матбуот хизмати хабар қилди.

Бош прокуратура бошқарма бошлиғи лавозимига Баҳриддин Холматов, Департамент бўлими бошлиғи лавозимига Парвиз Орзиев тайинланди.

Айдар-Арнасой кўллар тизимида балиқчилик тармоғини жадал ривожлантириш, ички ва ташқи инвестицияларни жалб қилиш, туризм инфратузилмасини ривожлантириш, сув ресурсларидан, ўсимлик ва ҳайвонот дунёсидан оқилона фойдаланиш ҳамда муҳофаза қилиш ҳамда ноқонуний бино ва иншоотларни қонунийлаштириш, атроф-муҳитини яхшилаш устидан назорат олиб бориш Бош прокуратура бошқармасининг асосий вазифалари ҳисобланади, дейилади идора ахборотида.

Шунингдек, Айдар-Арнасой кўллар тизимида назоратнинг самарали бошқарувини амалга ошириш имконини берувчи Бош прокуратура бошқармасининг ситуацион-таҳлил пунктлари ташкил этилди.

Ҳозирда бошқарма томонидан Ўзбекистон Вазирлар Маҳкамасининг 22 апрелдаги  "Айдар-Арнасой кўллар тизимининг биологик ресурсларидан фойдаланиш самарадорлигини янада ошириш чора-тадбирлари тўғрисида"ги қароридан келиб чиқиб, тегишли вазирлик ва идоралар билан биргаликда Айдар-Арнасой кўллар тизимида биологик ресурслардан фойдаланиш, биологик хилма-хиллигини сақлаш, инвестицияларни кенг жалб қилиш, туризмни ривожлантириш ва янги иш ўринларини яратиш мақсадида комплекс чора-тадбирлар Дастури ишлаб чиқилмоқда.

Асосий мавзулар